PM:08:28:24/04/2024
96 جار خوێندراوەتەوە
+
-
پۆلیسێن کەرکوکێ ڕاگەهاند، ئەو چار دزیکەرێن کو دوو شەڤان بەری نها نێزیکی
١٥٠ ملیۆن د مالا وەلاتیەکێ ل تاخەکێ کەرکوکێ دزین، هاتنە دەستەسەرکرن.
ئەڤرۆ چارشەمبی، پۆلیسێن کەرکوکێ ڕاگەهاندنەک بەلاڤکر و
تێدا ئاماژە ب وێیەکێ کر، پشتی نیڤ دەمژمێرێ ژ شەڕی و بەرهانگاربوونێ، ئەو کەسێن
١٥٠ ملیۆن د مالەکێ دا دزین، هاتینە دەستەسەرکرن.
بەحسا وێیەکێ ژیکر، ل دەمێ دەستەسەرکرنا وان دزیکەران بەرهەنگاری پۆلیسان
بوون، ئێک ژوان دزان ژی ب برینداری هاتە دەستەسەرکرن.
ئەڤە ژی د دەمەکێدایە،ل کەرکوکێ چەند چەکداران ب جلوبەرگێن سەربازی
ڤە د چنە سەر مالەکێ بناڤێ هەوا لێگەریانێ و پشکنینێ، نێزیکی ٧٠ هزار دۆلاران و ب
بهایێ نێزیکی ٥٠ ملیۆن دیناران زێری د مالەکێ دا دبەن.
د وێ دەربارێ ژی دا، کاوە غەریب رێڤەبەرێ پۆلیسێن کەرکوکێ بۆ ئێن
ئاڕ تی ڕاگەهاند، وان چەکداران جلوبەرگێن سەربازی لبەر کربوون دا کو خودانێ مالێ
بسەردا ببەن، ب ترۆمبێلەکێ ژ جورێ تاهۆ رەش چووینە بەر دەرگەهێ وێ مالێ.
بەحسا وێیەکێ ژیکر، چووینە ژورڤە و خودانێ وێ مالێ دەستبەسەر
کرینە، بناڤێ هەوا لێگەریانێ و پشکنینێ بۆ ماددەیێ هشبەر د وێ مالێ دا.
ئەو یەکژی هاتیە، وان چەکداران نێزیکی ٦٠ هزار دۆلار و
١٢ ملیۆن دینارێن عێراقێ د وێ مالێدا برینە، هەروەسا ب بهایێ ٥٠ ملیۆن دینارێن عیراقی
زێر برینە.سۆران محەمەد – کەرکوک
سۆران محەمەد، کەرکوک