PM:01:54:04/05/2024
272 جار خوێندراوەتەوە
+
-
رێڤەبەرێ بەنکا تی بی
ئای راگەهاند، سەرۆک وەزیرێن عێراقێ فەرمان کریە ب زووترین دەم دەست بکەن ب بەنکی
کرنا مووچەیێ مووچەخۆرێن هەرێمێ.
ئەڤڕۆ شەمبی، محەمەد شیاع سودانی سەرۆک
وەزیرێن عێراقیێ هژمارا من ب تەمام ڕەتکر، رێڤەبەرێ بەنکا تی بی ئای ژی راگەهاند، سودانی
فەرمان کریە ب زووترین دەم دەست بکەین ب بەنکی کرنا مووچەیێ مووچەخۆرێن هەرێمێ.
لدیڤ
زانیاریان، بەنکێن ڕەشید و ڕافیدەین دێ لقێن بەنکێن خۆ ل هەرێمێ ڤەکەن و دێ
پشکداربن د پروسەیا ب بەنکی کرنا مووچەی مووچەخۆرێن هەرێمێ.
ئەڤە د
دەمەکی دایە، پشتی گفاشتنێن نەوەی نوێ و پێداگیریا حکومەتا عێراقێ بۆ ب بەنکی کرنا
مووچەیێ مووچەخۆرێن هەرێمێ ب رێکا بەنکا تی بی ئای، پرۆژەیێ هژمارا من یێ مەسرور
بارزانی نێزیک بوویە ژ هەلوەشاندنێ لدیڤ نڤیسارەکێ حکومەتا رێڤەبرنا کاران ڕازیبوویە
ب ڤەکرنا هژمارا بەنکێ ل بەنکێن تی بی ئای و ڕەشید ڕافیدەین.
بیرۆکا هژمارا من ئەو بوو مووچەخۆر تنێ ل پێنج بەنکان هژمارا حسابیێ
ڤەکەن کو پارتی و یەکێتی دیاریکربوون، تا مووچەیێ موچەخۆران دبن دەستێ وان دابیت.
هەڤدەم، بڤێ پێنگاڤێ ژ روویێ کرداری هژمارا من هاتیە هەلوەشاندن، ژبەرکو
فەرمانبەر و مووچەخۆر سەرپشکن ژ بەنکێن حکومی یێن عێراقێ هژمارا بەنکێ ڤەکەن کو
نەوەی نوێ هەیاما زێدەتری 6 مەهانە داخاز دکەت و ١١٩ ئیمزایێن پەرلەمانتاران بۆ
کۆمکرینە.
ئەڤە د دەمەکی دایە، نەوەن نوی تا
نها دوو جاران ب ئیمزایا پەرلەمانتارێن عێراقێ پرۆژە بەرهەڤکریە بۆ ب بەنکی کرنا
مووچەیێ مووچەخۆرێن هەرێمێ ب رێکا بەنکێن حکومی یێن عێراقێ، حەفتیا دەربازبووی دژی
پرۆژێ هژمارا من 86 ئیمزا یێن پەرلەمانتارین عێراقێ کۆمکرن داخاز ژ سەرۆک وەزیرێن
عێراقێ کر پرۆژێ هژمارا من یێ پارتی و یەکێتی ب تەمامی بهێتە ڕەتکرن تا مووچەیێ
مووچەخۆرێن هەرێمێ دبن دەستێ پارتی و یەکێتی بهێتە دەر.