PM:06:07:04/05/2024
36 جار خوێندراوەتەوە
+
-
پەیڤدارێ وەزارەتا
بازرگانیا عێراقێ ڕاگەهاند، ژبەر باران بارینێ و گەرمێ ب رێکا تەکنیکەکا نووی دێ گەنمێ
جۆتیاران ژ تەر بوون و خراب بوونێ ل هەمی پارێزگەهێن عێراقێ پارێزین، دبێژیت ژی،
"وان ل 12 پارێزگەهێن عێراقێ دەست ب بازارکرنا گەرنمێ جۆتیاران کریە".
ئەڤرۆ شەمبی، محەمەد
حەنون پەیڤدارێ وەزارەتا بازرگانیا عێراقێ بۆ ئاژانسا نووچەیا عێراقێ ڕاگەهاند،
وەرزێ ب بازارکرنا گەنمێ جوتیاران ل 12 پارێزگەهێن عێراقێ دەستپێکریە و بڕیارە ل
شەش پارێزگەهێن دی ژی دەست ب بازارکرنا گەنمی بهێتەکرن.
ئاماژە ب وێ یەكی ژی کر،
د نها دا چەندین ئامێر بۆ پشتراست بوون ژ کوالێتیا گەنمێ جوتیاران ب هەمی یەکەیان
هاتینە دان و بریکارێن خارنێ ل دەڤەرێن جودا جودا ب مەرەما پاراستنا کوالێتیێ، ل دەمێ
ڤەگوهاستنا گەنمێ جوتیاران.
بەحسا وێ یەکێ ژی کر،
باران بارینا ئەڤسالە چ کارتێکرنێن نەرێنی لسەر گەنمی جوتیاران دروست ناکەت ژبەرکو
سیستەمێ پارێزبەندیێ د سایلۆیان دا هاتیە بجهئینان و تیمەکا تایبەت ژی بەردەوام
چاڤدێریا رەوشا سایلۆیان دکەت.
گوتژی، "تیمێن وەزارەتا
بازرگانیێ و هێلا بازرگانیا گەنمێ جوتیاران 24 دەمژمێران د کاری دانە و ئەڤەژی ژ
پێخەمەت ب بازارکرنا گەنمێ جوتیاران و ڤەگەراندنا داهاتەکێ باشتر بۆ وان".
هەڤدەم، ئەحمەد جاسم
رێڤەبەرێ سایلۆیا دیوانیە ڕاگەهاند، هەیاما حەفتیەکێ یە وەزرێ ب بازارکرنا گەنمی ل
پارێزگەها دیوانیە دەستپێکریە، هەیا نها ژی 60 هزار و 700 تەنێن گەنمێ جوتیاران کرینە
و چاڤەرێ دکەن تا داویا وەرزی برێ 246 هزار تەنێن جوتیاران بکرن.