وتەبێژی هاتوچۆی هەولێر وەک توانج وێنەکەیەکی بڵاوکردووەتەوە و دەیەوێت بە گەنجان بڵێت، کاتێک بە چەند وشەیەک هانت دەدەن بۆ تیژڕەویکردن، کارەساتی لەدواوەیە و داوا دەکات، کە گەنجان نەبنە مایەی ئازار بە دایک و باوک و کەسانی چواردەوریان.
فازڵ حاجی دەڵێت، کاتێک شۆفێری دەکەیت و هاوڕێیەکت وەک سەرنشین لەگەڵتە و بەهەندێک رستەی نەشیاو هانت دەدات تیژڕەوی بکەیت، ئەوا کارەسات روودەدات، ئەو دەیەوێت لە رێگای خستنەڕووی ئەو رستانەی لە نێوان گەنجەکان دەوترێت و نەشیاون، "گەنجان هۆشیار بکاتەوە."
فازڵ حاجی باسی لە رستە
هاندەرەکان کردووە و ئاماژەی بەوەشکردووە، رەنگە ئەوان پێت بڵێن: "ئەگەر پیاو بێت
٢٢٠ قەپات دەکەیت، رێگانادەیت کەس بەپێشت بکەوێت، وەکو مار لول ببە و لەنێوان ئۆتۆمبێلەکان؛ کەس
ناوێرێت لێت نزیک ببێتەوە، گێچی سەیارە
بۆچی کراوە ئەگەر قەپاتی نەکەی؟ ،یەک فەڕەی ١٢٠
مەتری بە ١٠ خولەک تەواو بکە، بەبێ دەست ئۆتۆمبێل لێبخوڕە... ئەگەر و ئەگەر و ئەگەر."
فازڵ حاجی باسی لەوەشکردووە، "کاتێکیش توشی کارەساتێک
دەبیت و لە نەخۆشخانە دەکەویت یان دەتبەنە گۆڕستان، هیچ یەکێک لەوانەی پیاوەتی تۆیان
تاقی دەکردەوە، بەلای ماڵەکەشتاندا ناچێت، ئەگەری باسیتشت بکەن پێت دەڵێن: لەخۆی
گۆڕابوو."
وتەبێژی هاتوچۆی هەولێر ئامۆژگاری گەنجان دەکات و دەڵێت،
دایک و باوک و کەسە نزکەکانتان خەمبار مەکەن و "با قسەی ئەو جۆرە هاوڕێیانە وەکو
شنەبایەک لە گوێچکەی راست بچنە ژوورەوە و لەچەپ فڕێ بدرێنە دەرەوە."
ئەوەش لە کاتێکدایە، رووداوەکانی هاتوچۆ بە یەکێک لە
هۆکارە سەرەکییەکانی گیان لەدەستدان لە هەرێمدا دادەنرێت، کە هۆکارێکی سەرەکی بۆ
رووداوەکان تیژڕەوی و قوربانییەکی سەرەکیش گەنجانن. کە هاتوچۆ بەشێکی هۆکارەکەی بۆ
سەرکێشی بەشێک لەو گەنجانە دەگەڕێننەوە، بە جۆرێک لە شەقامە ئاساییەکاندا پێشبڕکێ
دەکەن، کە شەقامەکان خۆیان کەموکوڕیان هەیە و هەندێک جار بەشێکن لە هۆکاری
رووداوەکانی هاتوچۆ.
هـ.ئـ