ئاماژەی بەوەشکردووە، "عێراق بۆ سوود وەرگرتن لە ئەزموونی هەرێمی کوردستان بەتایبەتی لە پرۆژەی پێوەری زیرەک، رۆڵی کەرتی تایبەت لە بواری کارەبا، بەکارهێنانی گازی بەفیڕۆچووی کێڵگەكانی نه‌وت بۆ بەرهەمهێنانی کارەبا و بەهێزکردنی تۆڕی کارەبای نێوان هەرێم و عێراق، شاندی باڵا دەنێرێتە هەرێمی کوردستان."

باسی لەوەشکردووە، "لە کۆبوونەوەکەدا، کەمال محەمەد وەزیری کارەبای هەرێم پوختەیەکی سەبارەت بە کەرتی کارەبای هەرێم خستووه‌تەڕوو، ئامادەیی هەرێمی کوردستانیشی بۆ هاوکاریی کردنی عێراق بۆ سوود وەرگرتن لە ئەزموون و تواناکانی پیشانداوه‌ بۆ ئەوەی هاوڵاتییانی ھەرێمی کوردستان و عێراق سوودمەند بن."

به‌پێی راگه‌یه‌ندراوه‌كه‌، "هه‌ردوولا باسیان لە پرۆژەی هێڵی گواستنەوەی کارەبای ٤٠٠ کەی ڤی لە تورکیاوە بۆ کوردستان و عێراق کردووه‌ کە لە تەواوبوون دایە."

لە هەفتەی رابردوودا، وەزارەتى کارەبای هەرێم لە راگەیەنراوێکدا رایگەیاند، "خواست لەسەر بەکارهێنانی کارەبا بەرزبووەتەوە"، کە بەپێی ئەو راگەیەنراوە بێت لە ماوەی داهاتوودا کاتژمێرەکانی پێدانی کارەبا کەمتر دەبێتەوە.

ساڵانە، لەکاتی وەرزەکانی سەرما و گەرمادا، بڕی پێدانی کاتژمێرەکانی کارەبا لەهەرێمی کوردستان بەرەو کەمبوونەوەیەکی بەرچاو دەڕوات و بەتێپەڕبوونی چەندین کابینەی حکومەتی هەرێم و پاش چەندین بەڵێن بۆ چاککردنی، هێشتا پرۆسەی پێدانی کارەبای نیشتیمانی بە هاوڵاتییانی هەرێم لە ئاست داواکارییەکانیاندا نییە.