PM:11:09:25/05/2022
1112 جار خوێندراوەتەوە
+
-
رێڤەبەرێ ناحیا کەورگۆسک ڕاگەهاند، دوو کەسان
دەستڕێژیا گولەیان ل گەنجەکی کریە و هەشت گولە ب لەشێ وی کەفتینە و نها لژێر
چاڤدێریا چڕ دایە.
ئەحمەد مزیری رێڤەبەرێ ناحیا کەورگۆسک یا سەر
ب قەزا خەبات ڤە بۆ ئێن ئاڕ تی ڕاگەهاند، نێزیکی ئێڤاریا ئەڤرۆ لسەر جاددا گشتیا
وێ ناحیێ دوو کەسان دەستڕێژیا گولەیان ل گەنجەکێ کریە و هەشت گولە بەر ب لەشێ وی
کەفتینە.
ئاماژە ب وێیەکێ ژیکر، ژبەر دژۆاریا برینا وی
هاتیە ڕەوانەکرن بۆ نەخۆشخانەیا ئیمیرجنسی ل باژێرێ هەولێرێ و دنهادا ڕەوشا وی
نەیا باشە و لژێر چاڤدێریا چڕ یا نۆژداران دایە.
دیارژیکر، ناڤێ وی گەنجێ عەبدولسەبور
عەبدولرەحمانە و خەلکێ سەنتەرێ وێ ناحیێ یە و کاسبە. هەڤدەم گوتژی، لدیڤ زانیاریێن
دەستپێکی بوویەر ژبەر ئاریشەیەکا جڤاکی بوویە دناڤبەرا واندا.
جیهاد وەیسی، هەولێر