سەرنووچە:

ئەردوغان: ل نێزیک دێ ئۆپەڕاسیۆنەکا دی دەستپێکەین

PM:10:22:23/05/2022

1036 جار خوێندراوەتەوە

+ -

 

سەرۆک کۆمارێ تورکیا ڕاگەهاند، چەند رۆژێن داهاتی ئاڕتێشا وەلاتی وی دێ ئۆپەڕاسیۆنەکێ ب کوراتیا ٣٠ کێلۆمەتران بۆ سەر دەڤەرێن رۆژئاڤایێ کوردستانێ دەستپێکەتن بۆ وێیەکێ دەڤەرا ئارام ب تەمامی کۆنترۆل بکەتن.

ل گۆرەی ڕاگەهاندنەکێ کو ئاژانسا ئەنادۆل بەلاڤکریە، ڕەجەب تەیب ئەردوغان سەرۆککۆمارێ تورکیا ڕاگەهاندیە، ل دەمەکێ نێزیک ئاڕتێشا وەلاتی وی دێ دەست ب ئۆپەڕاسیۆنەکا سەربازی بۆ سەر دەرڤەرێن ئارام کەتن کو ئەو دەڤەرە لژێر دەستهەلاتا هێزێن هەسەدێ دانە.

دیاژیکریە، ئەڤ ئۆپەڕاسیۆنە ب کۆراتیا ٣٠ کێلۆمەتران دبیت بۆ ناڤ ئاخا رۆژئاڤایێ کوردستانێ و دێ ب درێژیا سنورێ دناڤبەرا تورکیا و سوریا دا بیت.

ئاماژە ب وێیەکێ ژیکریە، ئارمانج ژ ئۆپەڕسیۆنێ کۆنترۆلکرنا بتەمامی یا دەڤەرا ئارامە ل رۆژئاڤایێ کوردستانێ و هەروەسا زڤراندنا ئێک ملیۆن پەنابەرانە بۆ وێ دەڤەرێ.

ئەڤە ددەمەکێ دایە، ل سالا ٢٠١٩ێ پشتی شکەستنا داعش ئاڕتێشا تورکیا هێرشی سەر دەڤەرێن سەرێ کانیێ و گرێ سپێ ل رۆژئاڤایێ کوردستانێ د سنورێ سوریا دا کر و دەڤەرا ئارام ڕاگەهاند، کو ئەڤ هێرشە ژی بۆ کۆنترۆلکرنا بتەمامی یا وێ دەڤەرێ یە.

هەڤدەم، چاڤدێرێن سیاسی ژی دبێژن، ئەڤ ئۆپەڕاسیۆنا تورکیا بۆ سەر رۆژئاڤایێ کوردستانێ دژی بڕیارا ئەمریکا یە کو ل ١٢ی ڤێ مەهێ بڕیارا ڕاکرنا سزایێ قەیسەر لسەر رۆژئاڤایێ کوردستانێ دەرخست و هەر ل وی دەمی ئەردوغان ڕاگەهاندبوو، "نابیت ئەڤ شاشیا ئەمریکا بهێتە قەبیلکرن".

کاوە ئەدهەم، رۆژئاڤایێ کوردستانێ


 

گەلەری