PM:02:43:14/05/2022
784 جار خوێندراوەتەوە
+
-
پشتی زێدەتری دوو سالان ژ بڕیارا دانانا
سزایی و قەدەغەرکرنا هەمی هاریکاری و دانوستاندنان دگەل سوریا، ئەمریکا بڕیاردا
سزایی لسەر رۆژئاڤایێ کوردستانێ و هند دەڤەرێن دی ڕاکەتن ژبوی گەشبوونا ئابووری و
وەبەرئینانێ. هەڤدەم، سەرۆککۆمارێ تورکیا ژی دبێژیت، "نابیت ئەڤ شاشیا
ئەمریکا بهێتە قەبیلکرن".
وەزارەتا گەنجینەیا ئەمریکا ل ١٢ی ڤێ مەهێ د ڕاگەهاندنەکێ
دا بڕیاردا، سزایێن لسەر رۆژئاڤایێ کوردستانێ و وان دەڤەرێن ل ژێر دەستهەلاتا
هەسەدێ و گرۆپێن چەکداریێن سەر ب تورکیا ڤە د دبیاڤێن جودا دا بهێتەڕاکرن کو پێکدهێن
ژ (بیاڤێ ئاڤەدانکرن، پەروەردە، ساخلەمیێ، پێشەسازی و بازرگانی، ئابووری و ژێرخانا
تایبەت ب کارەبێ.. هتد).
دەربارەی بڕیارا ئەمریکا ژی مەزلوم عەبدی
فەرماندارێ گشتیێ هێزێن هەسەدێ د تویتەری دا بەلاڤکریە، ژبوی بڕیارێ دەستخۆشیێ ل
ئەمریکا دکەت و دبێژیت، ئەو پێنگاڤە رووبرووبوونا داعشە و ئومێدێ ددەتە هەمی گەلێ
سوریا و پێشوازیێ ل هەمی کۆمپانیێن وەبەرئینانێ ژی دکەین.
هەر لسەر بڕیارا نەهێلانا سزایێن قەیسەر ژ
ئالیی ئەمریکا ڤە لسەر رۆژئاڤایێ کوردستانێ، رەجەب تەیب ئەردوغان ڕاگەهاند، "نابیت
ئەم ڤێ شاشیا ئەمریکا قەبیل بکەین و دێ مە هەلویستێ خۆ لسەر بڕیارا ڕاکرنا سزایێ
قەیسەر هەبیت ".
هەڤدەم، وەزارەتا دەرڤەیا ئەمریکا ژی دبێژیت،
"ئەڤ بڕیارە نە ئاماژەیە بۆ چ گوهۆرینان دسیاسەتا ئەمریکا دا لهەمبەر حکومەتا
سوریا، بەلکو سزایێ لسەر حکومەتا سوریا دێ هەر مینیت". هەڤدەم ئاشکرا ژی دکەت،
بڕیار بۆ باشترکرنا ڕەوشا ژیار و پێشکێشکرنا خزمەتگۆزاریێن پێتڤی بۆ پشتەڤانیا وان
کەسانە ئەوێن ژ ئاوارەیێ ڤەدگەرن جهێن خۆ و هاریکاریا وان جهێن ئاوارە و پەنابەر
حەواندینە.
ئەڤە ددەمەکێ دایە، ل سالا ٢٠٢٠ێ ئەمریکا
سزایەک ب سەر سوریا دا سەپاند کو هاتە بناڤکرن ب سزایێ (قەیسەر) و بڤێ بڕیارێ ژی
هەمی هاریکاری و دانوستاندن دگەل وی وەلاتی د هەمی بیاڤاندا ب هەمی ڕەنگا هاتن
قەدەغەرکرن.