بوچی "شاسوار عبدولواحید" ل وەلاتێ ئیرانێ بوو؟
PM:09:13:18/05/2023
11576 جار خوێندراوەتەوە
نورمان کوردی
+
-
پشتی چەندین وەلاتێن زلھێزێن جیھانی، ئاراستەیێ سیاسەت و
ستراتیجیەتێن وەلاتێن خۆ گۆھورین !ژ "سەرێ
رەش و دەباشان" بۆ گوندێ ئەلمانی و بەرەف نەوەی نوێ و شاسواری ڤە.
ھەر وەسا بەرەدەوامیا سەرەدانێن شاند و بالیوز و کونسولێن
وەلاتێن وەکو(ئەمریکا- فەرەنسا- بریتانیا-ئەلمانیا- ئیتالیا-ھولەندا) و نەتەوەیێن هەڤگرتی
و رێکخراوێن UN و چەندین وەلاتێن
دیێن ئقلیمی بۆ لایێ شاسوار عەبدولواحید و نەوەی نوێ، راستیەك بۆ مە دیار دبیت ئەو
ژی ئەوە ئێدی رایەدارێن وەلاتێن ئقلیمی و دەڤەری د وێ چەندێ گەھشتینە !
مەحالە بشێن بەرەدەوامیێ ب پاراستنا بەرژەوەندیێن وەلاتێن
خوو بدەن دناڤ کوردستانێ دا، بێ هەڤبەندی دگەل ھێزەکا وەکو نەوەی نوێ و بڕیارا سەرۆکێ
وێ حزبێ بەرچاڤ نەھێتە وەرگرتن.
بەریا نها زوربەیا خەلکی وەسا ھزر دکر کو نەوەی نوێ چێکریا
دەستێ دەستھەلاتێ یە یان خزمەتێ بۆ ئەجندایێن وەلاتەکێ
بیانی دکەت، لێ د نھادا ھەمی ناڤەندێن جیھانی و بەرپرس و رایەدارێن وەلاتێن ئقلیمی
و ناوچەی دگەل زوربەیا خەلکێ کوردستانێ گەھشتینە وێ راستیێ !نەوەی نوێ ئوپوزسیونەکا راستەقینەیە و ڤەرێژا ھەبوونا چەندین کێشە و ئارێشەیێن خەلکێ ماف خاری
و تەپەسەرکریێ کوردستانێ یە و خودان بریار و ھێزەکا جەماوەریا مەزنە د گورەپانا سیاسیا
کوردستانێ دا،
ھەر وەسا نوکە زوربەیا خەلکێ کوردستانێ، نەوەی نوێ وەکو
(بديل) و پێگوھورکێ "پارتی و یەکێتی" دبینن و ب تاکە ھێز د زانن بۆ
رزگاربوون ژ دەستھەلاتا فاشلا ٣٢ سالیا جووت بنەمالەیێن بارزانی و تالەبانی.