AM:11:45:06/09/2025
44 جار خوێندراوەتەوە
+
-
سەرۆکێ ئەمریکا: ناڤێ
وەزارەتا بەرەڤانیا وەلاتێ خۆ گۆهری بۆ وەزارەتا شەری و گوت، " ئەم شەرڤانان
پەروەردە دکەین نە بتنێ کو بەرەڤان بن"، بەحسا وێیەکێ ژی کر، ئێدی بتنێ بۆ
بەرەڤانیێ و خوسارەت نەبوونا شەری پشکداریێ ناکەن.
ئەڤرۆ شەمبی، میدیایێن
جیهانێ بەلاڤکر، دۆنالد ترەمپ، ل کۆچکا سپی بریارا گۆهرینا ناڤێ وەزارەتا بەرەڤانیێ
بۆ وەزارەتا شەری ئیمزا کر، کو ٢٣٦ سالان بەری نها ئەو ناڤە بۆ هاتبوو دانان و
دووبارە ساخ کرەڤە.
بەحسا وێیەکێ ژی کر، ئەڤ
بریارا ترەمپی، دگەل بانگەهێشتنا بدەستڤەئینانا خەلاتێ نۆبلە بۆ ئاشتیێ و دهێتە
پێشبینی کرن تێچوویا گۆهرینا ناڤێ وەزارەتا بەرەڤانبیێ بۆ وەزارەتا شەری بگەهیتە
ئێک ملیار دۆلاران.
کۆچکا سپی ژی دبێژیت،
گۆهرینا ناڤێ وەزارەتێ بۆ یەکێ ڤەدگەریێت، کو نیشاندەرا وێ، شینا پاراستنا بەرژەوەندیێن
نیشتیمانی یە و ئەمریکا خودانێ مەزنترین لەشکرە د جیهانێ دا و ئەڤ بریارە بۆ
سەپاندنا ئاشتیێ یە.
ل دەمێ ئیمزا کرنا ڤێ
بریارێ، پیت هیکسێس، وەزایرێ شەری یێ ئەمریکا بەحسا وێیەکێ کر، وەزارەتا شەری
خودانا چەندین شەرایە و دناف دا ژی شەرێ ئێکێ و دوویێ جیهانێ.
گوت ژی، مەرەم ژ گۆهرینا
ناڤێ وەزارەتا بەرەڤانیێ بۆ وەزارەتا شەری، ئێدی بۆ بەرەڤانیێ و خوسارە نەبوونا
شەری پشکداریێ ناکەن، لێ ب هەمێ شیانێن خۆ بۆ برن شەری دێ بزاڤان کەن. دۆنالد
ترەمپ ژی راگەهاند، ئەم شەرڤانان پەروەدە دکەین نە بتنێ بەرەڤانیی بکەن.
ل سالا ١٧٨٩ دا ٢٣٦
سالان بەریا نها، جۆرج واشنتن ئێکەم سەرۆکێ ویلایەتێن ئەمریکا بوو، ئیمزا ل سەر دامەزراندنا
وەزارەتا شەری کر ب چاڤدێریکرن و خەباتا ئۆپەراسیۆنێ و کاروبارێن لەشکری. ل سالا
١٩٤٦ وەزارەتا شەری هاتە گۆهرین بۆ وەزارەتا بەرەڤانیێ، نها ژی جارەکا دی ب
ئیمزایا دۆنالد ترەمپ وەزارەتا شەری هاتە ساخ کرن.