PM:11:23:27/04/2024
288 جار خوێندراوەتەوە
+
-
ئەندامەکێ لژنەیا ئابووری
و پیشەسازی و بازرگانی ل پەرلەمانێ عێراقێ ڕاگەهاند، رەنگە سەرەدانا سەرۆک وەزیرێن
عێڕاقێ بۆ سعودیا، ببیتە سەدەمێ وێ یەکێ کو سعودیا ژی هەڤئاوایێ قەتەر و ئیمارات
پشکداریێ د پرۆژەیێ رێکا گەشەپێدانێ دا بکەت.
ئەڤرۆ شەمبی، عەلی مەکسوسی
ئەندامێ لژنەیا ئابووری و پیشەسازی و بازرگانی ل پەرلەمانێ عێراقێ ڕاگەهاند، ب
دوویر نزانین کو پشتی قەتەر و ئیمارات، سعودیا ژی پشکداریێ د پرۆژەیێ رێکا
گەشەپێدانێ دا بکەت.
ئاماژە ب وێیەکێ ژیکر، چێدبیت ئێک ژ کارنامەیا سەردانا محەمەد شیاع سودانی
سەرۆک وەزیرێن عێراقێ بۆ سعودیە تایبەت بیت ب پرسا پشکداری کرنا سعودیە د پرۆژەیێ
رێکا گەشەپێدانێ دا.
ئەو یەکژی بەرچاڤکر، عیراقێ دڤێت پشکداریێ بکەت د وەبەرئینانێ دا ل
کۆمپانیێن جودایێن سعودیە ب تایبەت د بیاڤێن ئەنەرژیێ و گازێ دا، هەر ژبەر ڤێ ژی
سەردانا سودانی بۆ ریاز زێدەتر پرسا ئابووری هەلدگریت.
رۆژا ٦ـی ڤێ مەهێ، ژێدەرەکی ژ نڤیسینگەها سەرۆک وەزیرێن عێراقێ بۆ دیجیتال
میدیایا ئێن ئاڕ تی ڕاگەهاند، پشتی کو سەرۆک وەزیرێن عێراقێ ژ واشنتۆن ڤەگەریای
بڕیارە ل داوییا ڤێ مەهێ بۆ گۆتۆبێژکرنێ لسەر پرسا ئابووری سەردانا ریازا پایتەختێ
سعودیە بکەت و دگەل شاهزادەیێ جێنێشینا سعودیە بجڤیت.