AM:10:19:10/05/2024
36 جار خوێندراوەتەوە
+
-
پەرلەمانێ عێراقێ د
نڤیسارەکێ دا ب پشت گرێدان ب ماددەیێ 58ـێ دەستورێ عێراقێ ب مەرەما بڕیاردانێ لسەر
درێژکرنا ژیێ کۆمسیۆنا هەلبژارتنا عێراقێ بۆ برێڤەچوونا هەلبژارتنا هەرێمێ و
دیارکرنا سەرۆکێ پەرلەمانی وەرزێ یاسادانانێ بۆ مەهەکێ هاتە درێژکرن.
ئەڤرۆ ئەینی، فەرمانگەها
ڕاگەهاندنا پەرلەمانێ عێراقێ نڤیسارەک دەربارەی درێژکرنا ژیێ پەرلەمانێ عێراقێ
بەلاڤکر، ب پشت گرێدان ب ماددەیێ 85 یێ دەستورێ عێراقێ و پەیرەوێ ناڤخۆیێ
پەرلەمانێ عێراقێ وەرزێ ئێکەمێ یاسادانانا پەرلەمانێ عێراقێ بۆ مەهەکێ هاتە درێژکرن.
ئاماژە ب وێ یەکێ ژی کر،
درێژکرنا وەرزێ یاسادانانا پەرلەمانێ عێراقێ بۆ هەلبژارتنا سەرۆکێ پەرلەمانێ عێراق
و بڕیاردانێ یە دەربارەی درێژکرنا ژیێ جڤاتا کۆمسیۆنێ د هەیاما 30 رۆژێن بهێت دا.
بەحسا وێ یەکێ ژی کر،
درێژکرنا ژیێ کۆمسیۆنا عێراقێ بۆ برێڤەچوونا هەلبژارتنا پەرلەمانێ کوردستانێ یە، و
رۆژا 9ـێ ئەیارێ خاندنا ئێکێ بۆ سەرراستکرنا یاسایا کۆمسیۆنا بلندا هەلبژارتنان
هاتە ئەنجام دان.
بەری نها، سەلاح بوشی شێورمەندێ
سەرۆک وەزیرێن عێراقێ بۆ ئێن ئاڕ تی ڕاگەهاند، وان دڤێت رێکارێن دەستوری هەبن و عێراق
د بزاڤێن وێ یەکێ دایە ب ئێک جاری ئاریشەیان دگەل هەرێمێ چارەسەر بکەت.
بەحسا وێ یەکێ ژی کر، جێبەجێکرنا یاسایێن دهێنە دەرخستن
ئەگەر ژ لایێ دادگەها فیدرالی یان دەستهەلاتا جێبەجێکار بیت وی دەمی ئەرکەکە پێدڤیە
هەمی ئالیەک پێڤە پێگیر بیت.