PM:07:34:18/04/2024
368 جار خوێندراوەتەوە
+
-
وەزیرێ پەترۆلا عێراقێ ڕاگەهاند، ل ڤان نێزیکان هناردەیا پەترۆلا هەرێمێ دێ
دەستپێکەتە ڤە، دبێژیت ژی، "پرۆسەیا وەبەرئینان و هناردەکرنا پەترۆلێ ل زەڤیێن
پەترۆلا هەرێما کوردستانێ کارا کەنە ڤە".
حەیان عەبدولغەنی وەزیرێ پەترۆلا عێراقێ بۆ میدیایا
پارتی ڕاگەهاند، دگەل هەرێما کوردستانێ د گۆتۆبێژا دانە بۆ دەستپێکرن ب هناردەکرنا
پەترۆلا هەرێمێ.
ئاماژە ب وێیەکێ ژیکر، رێژەیا وەبەرئینانا پەترۆلێ لدیڤ بودجەی ٤٠٠ هزار
بەرمیلێن پەترۆلێ نە، دگەل وێیەکێ ژی دا وەزارەتا کارەبێ گرێبەست دگەل ئێک ژ
کۆمپانیێن وەبەرئینانا غازێ ل ئێک ژ زەڤیێن هەرێمێ ئیمزا کریە.
وەزیرێ پەترۆلێ ئەو یەکژی زەلالکر، ل سەر میکانیزما هناردەکرنا پەترۆلێ ل
مەها کانوونا دووێ یا ئەڤسالە رێککەفتن دگەل هەرێمێ دا کریە و ل ڤان نێزیکان دێ دەست
ب هناردەکرنا پەترۆلا هەرێما کوردستانێ هێتە کرن.
ئەو یەکژی بەرچاڤکر، نڤیسارەک ئاڕاستەی هەرێمێ کرینە کو پەترۆلێ ڕادەستی سۆمۆ
بکەن، هناردەیا پەترۆلا هەرێما کوردستانێ ژی ب بۆریێ و ب رێکا بەندەرێ جەیهان ڤە
بیت.