PM:05:23:18/04/2024
956 جار خوێندراوەتەوە
+
-
سەرۆکێ دادگەها فیدرالی ڕاگەهاند، لدیڤ دەستورێ عێراقێ پێدڤیە مووچەیێ هەمی
مووچەخۆران ب نشتیمانی بهێتە کرن و مووچەیێ هەرێمێ ژی ڤە دگریت.
ئەڤرۆ
پێنجشەمبی، جاسم محەمەد سەرۆکێ دادگەها بلندا فیدرالی پێشوازی ل بالیۆزێ هەنگاریا ل
عیراقێ کر و گۆتۆبێژ دەربارێ چەند پرسێن تایبەت کرن و دناڤ وان ژی دا بڕیارێن
دادگەها فیدڕالی دەربارێ مووچەیێ مووچەخۆرێن هەرێمێ.
د وێ جڤینێ دا، دەربارێ مووچەیێ
فەرمانبەرێن هەرێمێ و خانەنشینان و هەمی فەرمانبەرێن هەرێمێ سەرۆکێ دادگەها
فیدرالی بەحسا وێیەکێ کر، لدیڤ دەستوورێ عێراقێ یێ ٢٠٠٥ـێ بڕیاردا کو مووچەیێ
مووچەخۆرێن هەرێمێ ب نشتیمانی بهێنە کرن.
گوت ژی، "سیستەمێ دیموکراسیێ عێراقێ
پێدڤی ب دامەزارندنا دەستووری و سیستەمێ هەلبژارتنا راست هەیە دگەل هەلبژارتنێن
دادپەروەرانە و دبن سەرپەرشتیا کۆمسیۆنا هەلبژارتنێن سەربەخۆ دا".
ژلایێ خۆ ڤە ژی، بالیۆزێ هەنگاریا
ڕاگەهاند، بەردەوام دبن ژ بهێزکرنا پەیوەندیێن هەڤبەشێن وان دگەل عێراقێ د بیاڤێن
جودا دا و رۆلێ دادگەها بلندا فیدڕالی ل چەسپاندنانا بنەمایێ دەستووری و دیموکراسی
بۆ بنیاتنانا سیستەمێ پەرلەمانی لسەر بنەمایێ سەروەرێ یاسا بلند ڕادگرن.