AM:09:10:18/04/2024
380 جار خوێندراوەتەوە
+
-
لدیڤ داتایێن بازارێن جیهانی یێن پەترۆلێ، د نها
دا ئێك بەرمیلا پەترۆلا برێنت ب ٨٧ دۆلار و ٥١ سەنتان بازار پێ دهێتەکرن، هەڤبەری
ب دوهی چارشەمبیێ، بهایێ وێ دوو دۆلاران هاتیە خار.
ئەڤڕۆ پێنجشەمبی، لدیف داتایێن بازارێن جیهانێ،
بهایێ ئێک بەرمیلا پەترۆلا رۆژئاڤایێ تێکساس ب ٨٢ دۆلار و ٨٢ سەنتان بازار پێ دهێتەکرن،
هەڤبەری ب دوهی بهایێ وێ دوو دۆلاران هاتیە خار هاتیە خار.
دوو رۆژن بهایێ پەترۆلێ بەردەوام دهێتە خار، د دەمەکی
دا هەیاما دەربازبووی بەردەوام بهایێ وێ بلندبوو و گەهشتە سەردای ٩٠ دۆلاران.
سەدەمێن بلندبوونا بهایێ پەترۆلێ بەری نها:
پشتی زیدە بوونا گرژی و ئالۆزیان ل رۆژهەلاتا ناڤەراست
و ب تایبەت ل سوریا، بازارێن جیهانێ نە بنەجهی بخۆڤە دیت و بهایێ ئێک بەرمیلا پەترۆلا
برێنت ب ٩٠ دۆلار و ٧٥ سەنتان بازار پێ هاتە کرن. شارەزا ئاماژە ب وێیەکێ دکەن،"بهایێ
پەترۆلێ دێ نێزیک بیت ژ١٠٠ دۆلاران".
ناڤەندا کارگێڕیا ئەنەرژیا ئەمریکا راگەهاند، د مەها
کانوونا دووێ یا ئەڤسالە دا ئاستێ وەبەرئینانا پەترۆلێ بسەدەما نزم بوونا پلەیێن گەرمێ،
ب رێژەیا ٦.٢٪ نزم بوویە و شرۆڤەکارێن پەترۆلێ ژی دبێژن، ئەڤ نزم بوونە دێ بیتە سەدەمێ
بلندبوونا بهایێ پەترۆلێ
سەدەمەکا دی یا بنەجهیا بهایێ پەترۆلێ د بلندیێ
دا، دووبارە ب ئارمانج گرتن و تەقاندنا کەشتیێن پەترۆلێ نە ژ لایێ گروپێن چەکدار،
د هەمان دەم دا هێرشێن ئۆکرانیا بۆ سەر کەشتیێن پەترۆلێ و زەڤیێن پەترۆلا رووسیا ئێکە
ژ وان سەدەما کو بهایێ پەترۆلێ بۆ سەر ٨٩ دۆلاران بلندبیت.