شارەزایەکی کەشناسی رایگەیاند، لە رۆژی ٢٩ـی ئەم مانگەوە کە دەکاتە دووشەممەی هەفتەی داهاتوو، شەپۆلێکی بارانبارینی بەخوڕ روو لە ناوچەکانی هەرێمی کوردستان و ناوەڕاست و باشووری عێراق دەکات و رۆژی ٣ـی ئایار کۆتایی دێت.
ئەمڕۆ چوارشەممە، سادق عەتیە شارەزای کەشناسی رایگەیاند، لە رۆژی ٢٩ـی ئەم مانگەوە شەپۆلێکی بارانبارینی بەخوڕ دەستپێدەکات و رۆژی ٣ـی ئایار کۆتایی دێت.
ئاماژەی بەوەش کرد، بارانبارین ناوچەکانی ناوەڕاست
و باشووری عێراق بەتایبەت بەسڕە و ناوچەکانی هەرێمی کوردستان دەگرێتەوە و رۆژی ٢ـی
ئایار زۆرترین کاریگەری شەپۆلەکە دەردەکەوێت.
هاوکات ئەمڕۆ چوارشەممە، کەشناسی هەرێم رایگەیاند،
سبەی پێنجشەممە، ئاسمان ساماڵ و پەڵەهەور دەبێت، ئەگەری تۆز و خۆڵ هەیە لە بەشێک لە
ناوچەکانی باشووری پارێزگای کەرکوک و بەشێک لە ئیدارەی سەربەخۆی گەرمیان.
ئەوەش هاتووە، "پلەکانی گەرما بەرزبوونەوە
بەخۆیانەوە دەبینن".