گرنگترین سوودەکانی فستق بۆ تەندروستی

AM:09:23:23/07/2021

848 جار خوێندراوەتەوە

توێژینەوەیەکی زانستی نوێ ئاشکرایکردووە کە خواردنی فستق بەشێوەیەکی رۆژانە کێشی جەستە دادەبەزێنێت و رێگە لە بەرزبوونەوەی فشاری خوێن دەگرێت.

وەك لە ماڵپەڕی "الوطن"دا باسکراوە، توێژەران توێژینەوەیان لەسەر ئەو کەسانە کردووە کە کێشیان زیادە و داوایان لێکردوون کە رۆژانە ٤٢ گرام فستق بخۆن بۆماوەی چوار مانگ، لە ئەنجامدا بینیویانە کە کێشیان کەمی کردووە و کەمەریان بچوك بوەتەوە.

ئەنجامەکان ئەوەشیان ئاشکرایکرد کە خواردنی فستقەکە وایلێکردوون ئارەزووی خواردنی شیرینییان نەمێنێت، هەروەها فشاری خوێنیان دابەزیوە بەشێوەیەکی بەرچاو.

فستق یەکێكە لە چەرەزاتە دەوڵەمەندەکان بە پرۆتین و ریشاڵە بەسوودەکان و ماددە خۆراکییە وردەکان، هەروەها بە مەڵبەندێکی باشی ڤیتامین K و پۆتاسیۆم و فایتۆستیرۆل و ڤیتامین E و بێتا کارۆتین دادەندرێت.

زانایان ئاماژەیان بەوەشكردووە کە چەرەزاتەکان بە باشترین مەڵبەندی ریشاڵی دادەندرێن کە رۆڵێکی گرنگ دەبینن لە کرداری هەرسدا، فستقیش هەردوو پێكهاتەی لۆتین و زیاکسانسینی تێدایە کە باشترین دژە ئۆکسیدەکانە کە خانەکان لە تێكچوون دەپارێزێت.