دارچینی چەندین پێکهاتەی سوودبەخشی تێدایە کە یارمەتی چارەسەرکردنی چەندین کێشەی تەندروستی دەدات، بەکارهێنانی دارچینی بۆ منداڵ دەبێتە هۆی کەمبوونەوەی ئازاری گەددە و هەروەها چارەسەری هەوکردنی پێست دەکات.

ماڵپەڕی " boldsky" چەند سوودێکی دارچینی بۆ منداڵ خستووەتە ڕوو.

-یارمەتی چارەسەرکردنی کێشەی هەرس و ئازاری گەددە دەدات، هەروەها یارمەتی چالاککردنی سووڕی خوێن دەدات لە سکدا، بۆ ئەم مەبەستە دەکرێت کەوچێک لە تێکەڵەی هەنگوین و دارچینی بدرێت بە منداڵ.

-بۆ چارەسەرکردنی هەوکردنی پێست یاخود بەڵەکی دەکرێت زەیتی گوێزی هیندی و دارچینی تێکەڵبکرێت و بدرێت لەو ناوچەیە.

-بۆ کەمکردنەوەی زیانەکانی شەکر دەکرێت لە هەندێک خواردندا سوود لە بەکارهێنانی دارچینی وەربگیرێت کە شەکرێکی سروشتی تێدایە و بۆ منداڵ زیانی نییە.

-ئەو منداڵانەی ئارەزووی زۆر خواردنی خواردنە خێراکان دەکەن ئەگەری هەیە دووچاری بەرزی شەکر ببن لە خوێندا، بۆیە ڕۆژانە خواردنەوەی پەرداخێک ئاوی گەرم کە دارچینی تێدابێت ئەو مەترسییە کەم دەکاتەوە.