چۆنێتی ئامادەکردنی شیرینی مەعمول

PM:05:34:27/10/2021

3284 جار خوێندراوەتەوە

شیرینی مەعمول یەکێکە لە ئیشە باوەکان زیاتر لە بۆنە و جەژنەکاندا ئامادە دەکرێت، کاتی زۆری ناوێت و دەتوانرێت لەبری ئەوەی لە بازاڕ بیکڕیت لە ماڵەوە ئامادەی بکەیت.

کەرەستەکانی:

کوپ و نیوێک سەمید

کوپێک ئارد

٢٥٠ گرام کەرەی بێ خوێ

پارچەیەک کەرەی سوێر

کەوچکێکی چا خومرە

دەرمانی کولیچە

ئاوی گوڵ

شیر

کەوچکێک شەکر

بۆ ناواخنەکەی "گوێز و فستق و خورما" بەپێی ئارەزوو

هێل و دارچینی

ئامادەکردنەکەی:

شەوێک پێشتر سەمید و ئارد و کەرەبێ خوێکە تێکەڵ دەکرێن بەبێ ئەوەی بشێلدرێن، بە نایلۆنێک سەری دادەپۆشرێت و لەناو ساردکەرەوەدا هەڵدەگیرێت.

بۆ ڕۆژەکەی ئاوی گوڵاو و دەرمانی کولیچەکەی تێدەکرێت و بە هێواشی تێکدەدەرێت، لەگەڵ تێکدانیدا بە هێواشی شیرەکەی تێکەڵ دەکرێت و تێکدەدرێت، بە دەست دەشێلدرێت تاکو شێوەی هەویرێک وەردەگرێت، خومرەکەشی بۆ زیاد دەکرێت.

خورمای بێ ناوک دەخرێتە تاوەیەکەوە و کەرە سوێرەکە و هێل و دارچینی تێدەکرێت و لەسەر ئاگر خاودەکرێنەوە، گوێز و فستقەکە و کەوچکێک گوڵا و کەوچکێک شەکری وردە و هێل و دارچینی دەکەیتە خەڵاتەوە تاکو دەهاڕدرێت.

خورماکە بەشێوەی تۆپی بچوک خڕ دەکرێت، پاشان هەیرەکە دەکرێت بە پارچەی بچوک و پان دەکرێتەوە جارێک خورما و جارێکی تر گوێز و فستقە هاڕڕاوەکەی تێدەکرێت، بەو جۆرە هەموو هەویرەکە ئامادە دەکرێت و دەدرێت لە قاڵبی کولیچە.

سەرەتا فڕنەکە گەرمکرابێت و مەعمولە ئامادەکراوەکان بخرێتە ناو سینی فڕنەوە کە بنەکەی بە ڕۆن چەور کرابێت، دوای ١٥ خولەک لەناو فڕنەکە دەربهێنرێت.