کەشناسی رایگەیاند، ئەمڕۆ و سبەی پلەکانی گەرما بەرز دەبنەوە و ئاسمان ساماڵ و پەڵەهەور دەبێت، کەشناسی عێراقیش دەڵێت، "نمەباران دەست پێدەکات".

ئەمڕۆ هەینی، کەشناسی هەرێم لە راگەیاندراوێکدا بڵاویکردەوە، ئەمڕۆ پلەکانی گەرما سێ بۆ چوار پلە بەراورد بە رۆژانی رابردوو بەرزدەبنەوە و سبەی شەممەش پلەکانی گەرما زیاتر بەرز دەبنەوە.

باسی لەوەش کردووە، ئەمڕۆ و سبەینێش ئاسمان ساماڵ و پەڵەهەور دەبێت.

هاوکات، کەشناسی عێراق رایگەیاند، یەکشەممە بەگشتی ئاسمان پەڵە هەور دەبێت و هەندێک جار دەگۆڕێت بۆ هەوری تەواوەتی و لەگەڵ بارینی پروشەی باران لە هەندێک ناوچە.

ئەوەشی خستە روو، دوو شەممەی داهاتوو ئاسمان پەڵە هەور دەبێت و پروژەی باران دەبارێت.

ئاماژەی بەوەش کرد، بە پێی پێشبینیەکانیان لە رۆژی سێشەممەی داهاتووەوە بارانبارین لە ناوچە جیاوازەکان دەست پێدەکاتەوە و پلەکانی گەرما دادەبەزن.

S.A