هەموو دایکێک هەوڵی ئەوە دەدات منداڵەکەی زیرەکتر بکات، هەندێک جار دایکان دەکەونە پێشبڕکێوە لەو هەوڵدانەیا و لە تەمەنێکی زووتردا منداڵەکەیان دەخەنە باخچەی ساوایان.

لە بابەتێکی ماڵپەڕی "لبنان٢٤"، باس لە سێ ئامۆژگاری کراوە کە یارمەتی دایکان و باوکان دەدەن گەشە بە زیرەکی منداڵەکانیان بدەن، ئەوانیش:

-زوو فێری نووسین و خوێندنەوەی مەکە، با لە کاتی خۆیدا فێربێت، شارەزایان دووپاتی دەکەنەوە کە کتێبە وێنەییەکان پشت بە میتۆدی پەروەردەیی دەبەستن کە خەیاڵی منداڵێک گەشە پێ دەدەن و هانیان دەدەن داهێنان بکەن، زوو فێرکردنی نووسین و خوێندنەوە لەمە بێ بەشی دەکات.

-کاتی تەماشاکردنی شاشە و بەکارهێنانی ئامێرە ئەلکترۆنیەکان، بە ژیانی راستەقینە پڕ بکەرەوە، تەماشاکردن و ئەزموونکردنی ژیانی راستەقینە باشتر کاریگەری هەیە لە زیرەکی منداڵەکاندا.

- سانسۆر بخەرە سەر ئەو بابەتانەی لە منداڵەکەت لە شاشەکانەوە تەماشایان دەکات و کاتەکانی سنووردار بکە.