ماوەی ١٢ کاتژمێرە چەند شۆفێرێکی تانکەر لە رێگای ئاخجەلەر گیریان خواردووە و وەک خۆیان دەڵێن، تەلەفۆنیان بۆ چەند لایەنێک کردووە و کەس ناچێت بە ھانایانەوە.
ئەو شۆفێرانە ڤیدیۆیان بۆ ئێن ئاڕ تی ناردووە و بە ئێن ئاڕ تیان راگەیاند، ژمارەی شۆفێرەکان زۆرە و لە ٨ی بەیانییەوە نانیشیان نەخواردووە.
باسیان لەوەشکرد،
کە لە ئێستادا لەسەر شەقامەکە گیریان خواردووە و پلەکانی گەرماش زۆر نزمن و سەرمایانە.
ئەو شۆفێرانە ئەوەیان
بۆ ئێن ئاڕ تی خستەڕوو، کە پەیوەندییان بە چەند لایەنێکی پەیوەندیدارەوە کردووە، بەڵام
پێیان وتوون ئەوە رێگایەکی لاوەکییە و بەو جۆرە فریا دەکەون.
وتیشیان، کە تەنھا
یەک حەفارە چووە یەک رێگای بۆ چۆڵکردوون و وتوویەتی تەنھا ئەوەندەم پێدەکرێت.
ئەو شۆفێرانە لە
رێگای ئێن ئاڕ تییەوە داوای بەھاناوەچوون دەکەن و داوادەکەن، لایەنە پەیوەندیدارەکان
بچن بە دەمیانەوە و رزگاریان بکەن.
ئەوەش لەکاتێکدایە،
ماوەی دوو رۆژە شەپۆلێکی بەفربارین سەرجەم ھەرێمی گرتووەتەوە و بەھۆیەوە رێگای
ھاتوچۆی نێوان شارەکانی ھەرێم پەکی کەوتووە. ھاتوچۆش داوا لە ھاوڵاتیان دەکات، بەھیچ
شێوەیەک لە ماڵەکانیان نەچنە دەرەوە و لە دۆخی پێویستدا داوای تیمی فریاگوزاری بکەن.
ھـ.ئـ