ھاتوچۆی ھەولێر راگەیاندراوێکی بڵاوکردووەتەوە و لەسەری نووسیوە ''بانگەوازی بەپەلە''، تیایدا ھاتووە، پلەکانی گەرما بۆ ٥ پلە خوار سفری سیلیزی دابەزیون و رێگاکان بەستوویانە، نابێت شۆفێران بچنە سەر شەقام.
لە راگەیاندراوەکەدا ھاتووە، ''لەبەر دابەزینی پلەکانی گەرما بۆ پێنج پلە ژێر سفر ، لەکاتی ئێستادا ڕێگای هەولێر شەقڵاوە، بەر لە تونێلی پیرمام لەهەردوو دیوی هەولێر و کۆڕێ؛ شەقامەکە بەستویەتی.''
ئەوەش خراوەتەڕوو،''ئێستا تیمەکانی پاراستن و چاککردنەوەی
ڕێگاوبانەکان خەریکی ئەوەن کەبگەن بە سەرەتای شوێنی بەستنەکە بۆئەوەی خوێ لەسەر شەقامەکان
بڕێژن.''
داواش لە شۆفێران دەکەن، ''تەنانەت بۆ دۆخی پێویستیش نچنە
ڕێگاکە، چونکە دەربازکردنیان زۆر زەحمەتە و لە ئێستادا بەسەدان ئۆتۆمبێل لەهەردوو
دیوی تونێلەکە گیریانخواردووە و ناتوانن جوڵە بکەن لەبەر شەختە.''
ھاتوچۆی ھەولێر رایگەیاندووە، ''نامانەوێت ئەو سەدانە
ژمارەکەی بەرزببێتەوە بۆ هەزاران، شۆفێران تکایە تکایە مەیەنە دەرەوە و ئەو ڕێگایە
زیاتر پەک مەخەن.''
ئەوەش دوای ئەوە دێت، بۆ یەکەمجار لەدوای ساڵی ٢٠١٧وە بەفر
لە شاری ھەولێر باری و بەھۆیەوە ئاستەنگی ھاتوچۆ لە رێگا سەرەکییەکانی شارەکە
دروست بووە.
ھـ.ئـ