بەڕێوەبەرایەتی تەندروستی دەربەندیخان رایگەیاند، هاوڵاتییەک بە مەبەستی رزگارکردنی براکەی، کەتوشی رووداوی هاتوچۆبووە، پێش ئەوەی بیگاتێ بەهۆی نەخۆشییەوە گیانیلەدەستداوە.
ئەمڕۆ پێنجشەممە، بەڕێوەبەرایەتی تەندروستی دەربەندیخان راگەیەنراوێکی بڵاوکردەوە و تیایدا هاتووە، شۆفێرێکى تانکەر بەهۆى خلیکسانەوە ئێسکى حەوزى شکاوە و پەیوەندى بە براکەیەوەکردووە کە ئەویش شۆفێرى تانکەرە بۆ ئەوەى بیگەیەنێتە نەخۆشخانە.
ئاماژەی
بەوەشداوە، براکەشی بەدەمییەوە هاتووە تا رزگاری بکات، بەڵام لە نزیک تونێلی دەربەندیخان ئۆتۆمبێلەکەی
راگرتووە و بەپێ بەرەو لای براکەی چووە، پێش ئەوەى بگاتە لای براکەی لە رێگادا بەهۆی
نەخۆشییەکی کتوپڕەوە گیانیلەدەستداوە.
لە راگەیەنراوەکەدا ئەوەشی
خستووەتەڕوو، ئەو هاوڵاتییەی تووشی رووداوەکە بووە ناوی
حەقی ئیسماعیل رەزایە و تەمەنی ٥٩ ساڵە و دانیشتووی کەلارە، براکەشی ناوی عیمران
ئیسماعیل رەزایە و تەمەنی ٥٢ ساڵ بووە و دانیشتووی خانەقین بووە.
دەشڵێت، لە
ئێستادا تەرمەکەی بۆ بەشی فریاکەوتنی نەخۆشخانەی گشتی شەهید تۆفیق و پشکنینی رەوانەی
پزیشکی دادی دەربەندیخان کراوە و بریندارەکەش
چارەسەری پێویستی بۆ کراوە.