سەرۆكی ئەمریكا ڕایگەیاند، ئێران دەوڵەتێکی شکستخواردوە و کۆتایی هاتوە و سەرکردەكانیان توانای نوێنەرایەتیکردنی دروستی وڵاتەکەیان نییە، زیاتر لە ١٠٠ هەزار خۆپیشاندەری ئێران کوژراون و داوایکرد سەركردەكانی ئێران بەهۆی تاوانی جەنگ دژ بە مرۆڤایەتی دادگایی بکرێن.
ئەمڕۆ ٣١ـی ئابی ٢٠٢٦، دۆناڵد ترەمپ سەرۆکی ئەمریکا بڵاویكردەوە، ئێران دەوڵەتێکی شکستخواردوە و کۆتایی هاتوە، ئەو وڵاتە نە هێزی دەریایی و نە هێزی ئاسمانی ماوە، هەروەها دراوەکەیان بەهای نەماوە و ناتوانن موچەی سەرباز و پۆلیسەکانیان بدەن.
ئاماژەی بەوەشکرد، ئاستی هەڵاوسان لە ئێران بە ٣٠٠٪ خەمڵاند وسەرکردایەتییەکەیان
بەتەواوی توانای بەڕێوەبردنی وڵاتی لەدەستداوە و توانای نوێنەرایەتیکردنی دروستی وڵاتەکەیان
نییە.
باسی لەوەشکرد، تەنها شتێک ئێران هەیبێت
بریتییە لە هەواڵی ساختەی ناو ئەمریکا و ئامادەیی بۆ کوشتنی خۆپیشاندەرانیان و
داوای کرد بەهۆی تاوانی جەنگ دژ بە مرۆڤایەتی دادگایی بکرێن.
هاوکات، ئەو لێدوانەی ترەمپ لەكاتیكدایەكە
فەرماندەیی ناوەندیی ئەمریکا سێنتکۆم سەرلەبەیانی ئەمڕۆ ڕایگەیاند، سوپای ئەمریکا ئۆپەراسیۆنێکی سنوردار
و وردی ئەنجامداوە و هێزەکانی سوپای پاسدارانی کردە ئامانج کە خەریکی چاندنی مین
بون و مەترسییەکی نزیکیان لە گەروی هورمز دروستکردوە.