PM:05:24:30/08/2026
4600 جار خوێندراوەتەوە
چاوگێک بە ئێن ئاڕ تی وت، لە رووداوێکی تەقەکردندا لە گەڕەکی ٩٩ی زانکۆ لە شاری هەولێر، زاوایەک خوشکی هاوسەرەکەی کوشت و هاوسەرەکەی و خەزووریشی بە سەختی بریندار کرد.
دوای نیوەڕۆی ئەمڕۆ یەکشەممە ٣٠ـی ئابی ٢٠٢٦، لە گەڕەکی ٩٩ی زانکۆ رووداوەکە روویداوە و تۆمەتبارەکە بە دەمانچە ١٥ فیشەکی تەقاندووە، لەئەنجامدا ژنێک گیانی لەدەستداوە و دوو کەسی دیکەش بریندار بوون، لە ئێستاشدا تەرمی کوژراوەکە رەوانەی پزیشکی دادی هەولێر کراوە و تیمەکانی پۆلیس لێکۆڵینەوەیان لە رووداوەکە دەستپێکردووە.
رووداوەکە
دوای ئەوە بووە کە دەمەقاڵێ لەنێوان کەسێک و خێزانی هاوسەرەکەیدا دروستبووە، دواتر
زاوای ئەو خێزانە چەکی بەکارهێناوە و تەقەی لە ئەندامانی خێزانی هاوسەرەکەی کردووە.
بەپێی
وتەی شایەتحاڵەکان، لە ئەنجامی رووداوەکەدا خوشکی هاوسەری تەقەکەرەکە دەستبەجێ
گیانی لەدەستداوە و هاوسەرەکەی خۆی و خەزووریشی بریندارن.
