PM:02:42:27/08/2026
860 جار خوێندراوەتەوە
پەیامنێری ئێن ئاڕ تی ڕایگەیاند، بڕی ٤٧ ملیار و ٢٨ ملیۆن دینار وەک شایستەی دارایی گەنمی جووتیارانی پارێزگای کەرکوک، گەیشتە شارەکە و لە ئەمڕۆوە پڕۆسەی دابەشکردنی چەک و پێدانی پارە بە جووتیاران دەستپێکردەوە.
ئەمڕۆ پێنجشەممە ٢٧ـی ئابی ٢٠٢٦، پەیامنێری ئێن ئاڕ تی وتی، ئەم بڕە پارەیەی کە نێردراوە تایبەتە بە شایستە داراییەکانی جووتیاران، بۆ ساڵی ڕابردوو (٢٠٢٥)، و تا ئێستا هیچ جووتیارێکی عێراق و کەرکوک پارەی گەنمی ئەمساڵی وەرنەگرتووە.
وتیشی، سەرەڕای
گەیشتنی ئەم پارەیە، هێشتا بەشێکی زۆری جووتیارانی سنووری پارێزگای کەرکوک شایستەی
تریان، لەلای حکومەت ماوە و حکومەت قەرزاریانە، و چاوەڕوان دەکرێت لە قۆناغەکانی
داهاتوودا بەشەکانی تریش دابەش بکرێن.
ئاماژەی
بەوەشکرد، پڕۆسەی دابەشکردنی چک و وەرگرتنی پارە بۆ جووتیاران کە لە ئەمڕۆوە دەست
پێ کردووە، لە هەفتەی داهاتووشدا بەردەوام دەبێت.
سۆران محەمەد –
کەرکوک
