PM:01:23:27/08/2026
216 جار خوێندراوەتەوە
کەمێک پێش ئێستا، لە کاتی جێبەجێکردنی ئەرک بۆ لابردنی خانووە زیادەڕەوەکان لە ناوچەی دۆڕەی شاری بەغدا، گرژی و پێکدادان لە نێوان هێزە ئەمنییەکان و خاوەنی موڵکە زیادەڕەوەکان دروست بوو، و بەهۆی دەستڕێژی گولـلەوە بەڕێوەبەری پۆلیسی ئەمانەی بەغدا و کارمەندێکی پۆلیس کوژران و چوار پۆلیسی تریش برینداربوون.
ئەمڕۆ پێنجشەممە ٢٧ـی ئابی ٢٠٢٦، پەیامنێری ئێن ئاڕ تی وتی، هێزێکی ئەمنی بۆ لابردنی خانوو و موڵکە زیادەڕەوەکان چووبوونە ناوچەی دۆڕە، بەڵام خاوەنی موڵکەکان بە توندوتیژی وەڵامیان داوەتەوە و دەستڕێژی گولـلەیان لە هێزە ئەمنییەکان کردووە.
وتیشی، بەهۆی
ئەو دەستڕێژی گولـلەیەوە، بەڕێوەبەری پۆلیسی ئەمانەی بەغدا لەگەڵ کارمەندێکی تر
گیانیان لەدەست دا و چوار کارمەندی تری پۆلیسیش بریندار بوون.
لە ئێستادا،
هێزێکی گەورەی ئەمنی ناوچەی دۆڕەیان بە تەواوی گەمارۆ داوە بە مەبەستی
کۆنتڕۆڵکردنی دۆخەکە و دەستگیرکردنی ئەو کەسانەی تەقەیان لە هێزە ئەمنییەکان
کردووە.
هاوکات،
ئەمانەی بەغدا ئاماژەی بەوەکرد، "ڕێکاری یاسایی بەرامبەر ئەو کەسانە
دەگرینەبەر کە دەستدرێژی دەکەنە سەر تیمەکانی دوورخستنەوە و بەپێی یاسا
لێپرسینەوەیان لەگەڵ دەکەین".
