ماوەی شەش رۆژە گەنجێک لە کەلار ونبووە و ئەمڕۆ له‌وشوێنه ئاوییه‌ى کە گومانى لێده‌كرێت ونبووبێت، به‌دواى چاره‌نووسی گه‌نجه‌كه‌ى كه‌لاردا دەگەڕێن و غەواسێکیش دەڵێت، تا ئێستا ھیچ سەرەداوێکیان دەستنەکەوتووە.
ئەمڕۆ شەممە ٢٢ـی تشرینی دووەمـی ٢٠٢٥، گەڕان بەدوای گەنجە ونبووەکەی کەلار لەسەر رووباری سیروان و گۆمە ئاوەکان دەستیپێکردووە، باوکی ئەو گەنجەش رایگەیاند، داوا لە تیمەکان دەکەم زیاتر هاوکاربن لە دۆزینەوەی کورەکەم.
هاوکات زانای غەواس
قسەی بۆ ئێن ئاڕ تی کرد و دەڵێت، "ئەو شوێنەی ماتۆڕەکەیان لێ دۆزیوەتەوە، چەند
گۆمێکی لێیە و هەمووی گەڕاون، بەرد بە بەردی بنی دیارە، دڵنیام لە گۆمێکیاندا
نییە، ئەوەی دیکەش گەڕاوین و دووبارەش دەگەڕێینەوە".
ئێوارەی رۆژی
یەکشەممەى رابردوو، گەنجێک بەناوی مەھدی محەمەد، تەمەن ٢٥ ساڵ و خوێندکاری قۆناغی
چوارەمی بەشی فیزیا لە زانکۆی گەرمیان، لە ماڵ چووەتەدەر و تا ئێستا بێ سۆراغە.
دوو رۆژ دوای
ونبوونی مەهدی، ماتۆڕەکەی لە نزیک کەلار دۆزراوەتەوە، ئەو جێگایەی ماتۆڕەکەی
لێدۆزرایەوە، پرۆژەی ئاودێری لێیە و گومان دەکرێت کەوتبێتە ناو ئاوەکە، بۆیە ئەمڕۆ
زانا بەکر کە بە زانای غەواس ناسراوە، لە قەزای تەقتەقـەوە چووەتە سەر رووباری
سیروان، بەو هیوایەی سەرەداوێکیان دەستکەوێ.