PM:01:32:04/10/2025
18900 جار خوێندراوەتەوە
چاوگێکی ئەمنی بە ئێن ئاڕ تی وت، کەمێک پێش ئێستا لە سنووری دووزخورماتوو لایەن چەکدارێکەوە دەستڕێژی گوللە کرایەسەر چەند کەسێک و بەهۆیەوە کەسێک گیانی لەدەستدا و سێ کەسی دیکەش برینداربوون.
ئەمڕۆ شەممە ٤ـی تشرینی یەکەمی ٢٠٢٥، چاوگێکی ئەمنی بۆ ئێن ئاڕ تی باسی لەوەکرد، بەهۆی کێشەیەکی کۆمەڵایەتییەوە؛ کە پێشتر هاوڵاتییەک لە خورماتوو کوژراوە و خێزانی کوژراوەکە ویستوویانە تۆڵەبکەنەوە، بەم مەبەستەش دەستڕێژی گوللەیان کردووەتە سەر نووسینگەیەکی ئاڵوگۆڕی دراو کە گوایە کەسێکی پەیوەندیدار بە کێشەکەوە لەوێ ئامادەبووە.
وتیشی، لە رووداوەکەدا کەسێک کوژراوە و جێی
ئاماژەپێدانە کە یەکێک لە بریندارەکان هیچ پەیوەندی بە رووداوەکەوە نەبووە و بەهۆی تەقەکردنی
هەڕەمەکییەوە گوللەی بەرکەوتووە.
