ئاماژەی بەوەش کرد، پڕۆسەکە لە کاتژمێر ١٠ و ٣٠ خولەکی ئەمڕۆ دەستی پێکرد و تا کاتژمێر ١٢ و ٣٠ خولەکی نیوەڕۆ بەردەوام بوو، لەڕێگەی ئامێرەکانەوە دەنگدانی ئەزموونی ئەنجام درا و هیچ گرفتێک لە ئامێرەکانی هەڵبژاردندا نەبوو.

باسی لەوەش کرد، لە سنووری سلێمانی و هەڵەبجە لە ٧٩ وێستگەی دەنگدان، پڕۆسەی دەنگدانی ئەزموونیی گشتی و تایبەت بە سەرکەوتووی و بەبێ گرفت بەڕێوە چوو. وتیشی، "چەند جارێکی دیکەش ئەو پڕۆسەیە دووبارە دەکەینەوە بۆ دڵنیابوونەوە لەوەی هیچ کێشەیەک لە ئامێرەکاندا نییە".

وتیشی، لە سنووری سلێمانی و هەڵەبجە یەک ملیۆن و ٥٠٠ هەزار دەنگدەر هەیە، کە ٧٥٪ـی بەشێوەی بایۆمێتری تۆمار کراون و کارتی بایۆمێتریان بۆ دروستکراوە.

ئەوەشی خستە روو، تا ٢٠ـی چوار فۆڕمی ئەلکترۆنی بوون بە کارمەندی سەر سندوقی دەنگدان کارا دەبێت و هاوڵاتیان بە فەرمانبەران و دەرچوانی زانکۆ و پەیمانگاکان و خوێندکارانیشەوە دەتوانن فۆڕمەکە پڕبکەنەوە.

ئەوەش لەکاتێکدایە، مانگی شەشی ئەمساڵ بۆ ئەنجامدانی هەڵبژاردنی پەرلەمانی کوردستان دیاریکراوە و فشارێکی زۆری ناوخۆیی و نێودەوڵەتیش لەسەر لایەنەکانی دەسەڵاتە بۆ ئەنجامدانی هەڵبژاردن لە کاتی خۆیدا.