PM:11:07:15/04/2024
1484 جار خوێندراوەتەوە
دەروازەی نێودەوڵەتی باشماخ رایگەیاند، بەهۆی پچڕانی هێڵی ئینتەرنێت و سیستەمی بەڕێکردنی گەشتیاران هاتوچۆی گەشتیاری لە مەرزی باشماخ دیوی ئێران راگیراوە.
ئەمڕۆ دووشەممە، دەروازەی نێودەوڵەتی باشماخ رایگەیاند، ئاگاداری سەرجەم هاوڵاتییان و گەشتیاران دەکەنەوە هاتوچۆی گەشتیاری لە مەرزی باشماخ دیوی ئێران راگیراوە.
ئاماژەی بەوەش کرد، هۆکاری راگیرانی هاتوچۆ لە دیوی ئێران لە مەرزی
باشماخ دەگەڕێتەوە بۆ پچڕانی هێڵی ئینتەرنێت و سیستەمی بەڕێکردنی گەشتیاران.
هاوکات ئەمڕۆ پەیامنێری ئێن ئاڕ تی رایگەیاند، لە کاتژمێر ١٠ـی بەیانی
ئەمڕۆوە نزیکەی ٤٠٠ هاوڵاتی هەرێمی کوردستان لە دیوی ئێرانی مەرزی باشماخەوە راگیراون
و رێگەیان پێ نادرێت بێنەوە هەرێمی کوردستان.
