سەرۆکی دادگای فیدراڵی رایگەیاند، ئەنجامدانی هەڵبژاردنی پەرلەمانی هەرێم و دابەشکردنی مووچەی مووچەخۆرانی هەرێم لەپێشینەی کارەکانیانە. دەشڵێت، "پێویستە یاسا پەیوەندییەکانی نێوان هەرێم و بەغدا رێکبخات".
ئەمڕۆ یەکشەممە، جاسم محەمەد سەرۆکی دادگای فیدراڵی عێراق رایگەیاند، دادگای فیدراڵی بەیەک شێوە سەیری هەموان دەکات و لەسەر بنەمای بڕگەکانی دەستوور و یاسا کارەکانی ئەنجام دەدات.
وتیشی،" ئەنجامدانی هەڵبژاردنی پەرلەمانی هەرێم و دابەشکردنی مووچەی
مووچەخۆرانی هەرێم لەپێشینەی کارەکانمانە".
جەختیشی لەوە کردەوە ، پێویستە یاسا پەیوەندییەکانی نێوان هەرێم و بەغدا
رێکبخات.
ئاماژەی بەوەش کردووە، دادگای فیدراڵی عێراق ئامادەیە لەگەڵ هەموو ئەو لایەنەکاندا
کاربکات بۆ بەدەستهێنانی هەموو ئەنجامە شایستەکان لەسەر بنەمای دەستوور لە عێراقدا.