وەزارەتی دارایی عێراق رایگەیاند، وەزارەتەکە بەرپرسە لە دابەشکردنی مووچەی سەرجەم چین و توێژەکان لەکاتی دیاریکراوی خۆیاندا و هەموو ئەو تۆمەتانە رەتدەکەنەوە کە باس لە دواکەوتنی شایستە داراییەکانی چەند چین و توێژێک دەکەن.
ئەمڕۆ دووشەممە، وەزارەتی دارایی عێراق رایگەیاند، سەرجەم ئەو تۆمەتانە رەتدەکەنەوە کە باس لە دواکەوتنی شایستە داراییەکانی "خانەی پیران و بێسەرپەرشتان" دەکەن.
ئەوەشی خستووەتەڕوو، وەزارەتی دارایی لەرێگای فەرمانگەی
ژمێریارییەوە بەرپرسە لە پارەدارکردنی سەرجەم ئەو بانکانەی کە مووچە و شایستەی
دارایی بەڕێوەبەرایەتییەکانی چاودێری کۆمەڵایەتییان لە ئەستۆیە.
باسی لەوەشکردووە، وەزارەتەکە بەرپرسە لە دابەشکردنی
مووچە و شایستە داراییەکان لە کاتی خۆیاندا.
ئەمەش لە کاتێکدایە، لە ئێستادا مووچەخۆرانی عێراق
مووچەی مانگی شوباتیان بە تەواوەتی وەرگرتووە و وەزارەتی دارایی ئامادەکاریی دەکات
بۆ دابەشکردنی مووچەی مانگی ئازار.