AM:08:20:22/02/2024
832 جار خوێندراوەتەوە
بە گوێرەی پێنوێنی نرخی نەوت لە جیهاندا دوای ئەوەی گرژی و ئاڵۆزییەکانی دەریای سوور جارێکی دیکە سەری هەڵدایەوە دوێنێ نەوت بەرێژەی٠.٢١٪ بەرزبوونەوەی بەخۆیەوە بینی و لە ئێستاشدا نرخی یەک بەرمیل خاوی برێنت بە ٨٣ دۆلار و ٢٢ سەنتە، ئەوەش دوای ئەوە هات ناوەندی وزەی جیهانی هۆشداریدابوو لەسەر کەمبوونەوەی یەدەگی نەوتی جیهان.
ئەمڕۆ پێنجشەممە، نرخی نەوت لە تەواوی پێنوێنەکانی جیهاندا گۆڕانکاری بەسەردا بەرێژەی ٠.١٩٪ و بەدیاریکراویش لە ئێستادا و هەر بەرمیلێک نەوتی تەکساس بە ٧٨ دۆلار و ١٠ سەنت مامەڵەی پێوەدەکرێت بە هەمان شێوەی نەوتی خاوی برێنت نرخەکەی بەراورد بە دوێنێ بەرزبووەتەوە.
هاوکات رێکخراوی جیهانی ئۆپیک پڵەس رایگەیاند، ئاستی دابینکردنی
نەوتی رۆژانە و ساڵانە پارێزراوە و بەردەوامیش دەبن لە کەمکردنەوەی بەرهەمهێنان و
هەناردەکردن بۆ بازاڕەکانی جیهان تا مانگی ئازاری ئەمساڵ بە مەبەستی سەقامگیرکردنی
بازاڕەکانی جیهان بۆ ئەو مەبەستەش چەند وڵاتێکی جیاواز لە نێویشیاندا عێراق
بەشداردەبێت لە کەمکردنەوەی ئاستی هەناردەکردنی ٢٠٠ هەزار بەرمیلی رۆژانە.
لەبەرامبەریشدا حەیان عەبدولغەنی وەزیری نەوتی عێراق رایگەیاند،
عێراق بەردەوام دەبێت لە کەمکردنەوەی هەناردەکردنی ١٥٠ هەزار بەرمیلی رۆژانە و
ئامانج لێی بەدەستهێنانی سەقامگیری و هاوسەنگی زیاترە لە نێوان دابینکردن و
داواکاری لە بازاڕە جیهانییەکان.
ئەوەش لە کاتێکدایە، سەبارەت بە پرسی نزمبونەوەی یەدەگی
جیهان ئاژانسی وزەی نێودەوڵەتی رایگەیاند، پێشبینی دەکرێت خواستی بەدەستهێنانی نەوت
لەمساڵدا بەرزتربێتەوە سەرەڕای ئەوەی ئاستی یەدەگی نەوتی جیهان گەیشتووەتە نزمترین
ئاستی پێوانەیی هەشت ساڵی رابردوو.
