PM:08:16:04/02/2024
904 جار خوێندراوەتەوە
بانکی ناوەندیی عێراق رایگەیاند، تێکڕای خستنەڕووی ئەمڕۆ بە نرخی فەرمی بۆ بانک و بازرگانەکان زیاتر لە ٢٠٥ ملیۆن دۆلار فرۆشراوە و لەو رێژەیەش زیاتر لە ١٦ ملیۆن دۆلاری بەشێوەی کاش بووە و بەراورد بە خستنەڕووی یەکەم رۆژی ئەم مانگە ٩ ملیۆن دۆلار زیادی کردووە.
ئەمڕۆ یەکشەممە، بانکی ناوەندیی لە سەکۆی خستنەڕووی دۆلار و دراوە بیانییەکان تێکڕای فرۆشی بۆ ٤ـی شوبات ئاشکراکرد و تێیدا هاتووە، بانکەکان و بازرگانان لە ناوخۆی عێراقدا داواکاریان بۆ کڕینی ٢٠٥ ملیۆن و ٤٩٤ هەزارو ٦٥٢ دۆلار پێشکەش کردووە بە نرخی فەرمی بانکی ناوەندیی و لەو رێژەیەش تەنها ١٦ ملیۆن و ٤٧٠ هەزار دۆلاری بەشێوەی کاش بووە.
ئاماژە بەوەش کراوە، تێکڕای
داواکاریی بازرگانان و بانکەکان بۆ مامەڵەی حەواڵەی دەرەکی ١٨٩ ملیۆن و ٢٤ هەزار و
٦٥٢ دۆلار بووە و بەراورد بە رۆژی ١ـی شوبات ئاستی داواکاری حەواڵە بەرێژەی ٢٠ ملیۆن
و ٨٤٥ هەزار و ٥١٣ دۆلار کەمی کردووە.
ئەوەش لەکاتێکدایە، ٢١ـی
بۆ ٢٦ـی مانگی کانوونی دووەمی ئەمساڵ بانکی ناوەندیی بە تێکڕا یەک ملیار و ٨٢ ملیۆن
و ١٣٨ هەزار و ٩٩٤ دۆلاری بە نرخی فەرمی فرۆشتووە و لەو رێژەیەش تێکڕای فرۆشی دۆلار
بەشێوەی حەواڵە ٩٩٨ ملیۆن و ٣٥٨ هەزار و ٩٩٤ دۆلار بووە و بەرزترین رێژەی فرۆشی حەواڵەش
لە رۆژی پێنجشەممە ٢٥ـی کانونی دووەم بووە و بەتێکڕا ٢٠٩ ملیۆن و ٤٨١ هەزار و ٧٣٢
دۆلاری فرۆشتووە.
