PM:12:53:26/01/2024
1208 جار خوێندراوەتەوە
بەرپرسی رێکخراوی بازرگانی و گەشەپێدانی نەتەوە یەکگرتووەکان رایگەیاند، بەهۆی گرژی و ئاڵۆزیەکانی دەریای سورەوە رێژەی بازرگانیکردن لە نۆکەندی سوێس ٤٢٪ کەمبووەتەوە.
ئەمڕۆ هەینی، یان هوفمان بەرپرسی رێکخراوی بازرگانی و گەشەپێدانی نەتەوە یەکگرتووەکان رایگەیاند، گرژی و ئاڵۆزییەکەکانی ئەم دواییانەی دەریای سور کاریگەری نەرێنیان لەسەر جوڵەی کەشتییە بازرگانیەکان دروست کردووە و بەو هۆیەوە بەگشتی بازرگانیکردن لە نۆکەندی سوێس ٤٢٪ کەمبووەتەوە.
ئاماژەی بەوەش کردووە، رێژەی هاتووچۆی کەشتییە بازرگانیەکان ٦٧٪ کەمی
کردووە.
ئەمەش لە کاتێکدایە، گرژییەکانی دەریای سور لەنێوان هێزە هاوبەشەکانی
ئەمریکا و بەریتانیا و گروپی چەکدارەکانی یەمەن
لە ماوەی دوو هەفتەی رابردوودا چڕتربووەوە، چونکە بەبەردەوامی ئەو گروپە چەکداریانە
هێرشی موشەکیان دەکردە سەر کەشتیە بازرگانییەکان.
