بانکی ناوەندی عێراق رێژەی خستنەڕووی دۆلاری بڵاوکردەوە و زیاتر لە ٢١٠ ملیۆن دۆلاری خستەڕوو.
ئەمڕۆ پێنجشەممە، بانکی ناوەندی عێراق ٢١٠ ملیۆن و ٥٨٦ هەزار و ٩١٢ دۆلاری خستەڕوو کە ئەوەش بەرزترین ئاستی ئەم ماوەی دوو هەفتەی رابردووە.
لەو بڕەی بانکی ناوەندی خستویەتیەروو، ١٧٨ ملیۆن و ٢٨٦ هەزار
و ٩١٢ دۆلاری بەشێوەی حەواڵە و ٣٢ملیۆن و ٣٠٠ هەزار دۆلاریشی بە شێوەی نەختینەی
خستووەتەروو.
هاوکات سەرەڕای بەرزکردنەوەی رێژەی خستنەڕووی دۆلار، ئێستا
بەهای ١٠٠ دۆلار بە ١٤٨ هەزار دینار مامەڵەی پێوەدەکرێت و بەهای ١٠٠ دۆلار بەراورد
بە دوێنێ دوو هەزار دینار بەرزبووەتەوە.
ئەوەش لە کاتێکدایە، بانکی ناوەندی عێراق لە ماوەی
رابردوودا رایگەیاندبوو،رۆژانە هەرچەندیان بوێت و بەپێی پێویستی دۆلار دەخەنەروو.
هاوکات بەهۆی ئەو رێکارانەی بانکی ناوەندی عێراق گرتوویەتیەبەر
بەهای دۆلار لە ماوەی رابردوودا بەشێوەیەکی بەرچاو دابەزی و بەهای ١٠٠ دۆلار بۆ
١٣٩ هەزار دینار دابەزیبوو، بەڵام لە ئێستادا بەهای دۆلار جارێکی دیکە بۆ نزیکی
١٥٠ هەزار دینار بەرزبوەتەوە.