سەرچاوەیەکی فەرمی لە وەزارەتی دارایی عێڕاق راگەیاند، پێش هاتنی جەژن فەرمانبەران و خانەنشینان موچەى مانگى چوار وەردەگرن.
میدیا عێراقیەکان لە زاری چاوگێکی فەرمی وەزارەتی دارایی عێراقەوە بڵاویانکردەوە، وەزارەتی دارایی هەوڵەکانی چڕکردووەتەوە بۆ دابەشكردنی موچەی فەرمانبەران و خانەنشینان.
هەر بەپێى زانیارییەکان، وەزارەتى
دارایی بڕیارە سەرەتا فەرمانبەران موچە وەربگرن و پاشان خانەنشین کراوەکان.
دابەشکردنى موچەى مانگى
چوار لەلایەن حکومەتی عێراقەوە لەکاتێکدایە حکومەتى ماوەبەسەرچووی هەرێم لە
رێکەوتی ٤ی ٤ی ٢٠٢٣ رایگەیاند، موچەى مانگى سێ دابەش دەکات و هێشتا نازانرێت تا جەژن
دەتوانێت موچەى تەواوى فەرمانبەران و خانەنشینکراوەکان دابەش بکات یان وەک مانگەکانى
تر دەبێت.
پێشتریش، حکومەتی ماوەبەسەرچووی
هەرێم بەڵێنی بە فەرمانبەران و موچەخۆران دا کە هەموو ٢٥ی مانگێک موچەی سەرجەم
وەزارەت و فەرمانبەران دابەشدەکات، بەڵام تائێستا حکومەت پابەندی بەڵینەکەی خۆی
نەبووە.