لێپرسراوی زێڕەنگەرەکانی سلێمانی بە دیجیتاڵ میدیای ئێن ئاڕ تی راگەیاند، بەهۆی بەرزکردنەوەی رێژەی سوودی بانکەکانی ئەمریکا نرخی زێر لە جیهاندا بەرزبووەتەوە و بۆ هەر کیلۆیەک زێڕ هەزار دۆلار بەرزبووەتەوە. هاوکات، لە بازاڕەکانی جیهاندا نرخی یەک ئۆنسە زێر بە دوو هەزار و ٢٥ دۆلار مامەڵەی پێوەدەکرێت.
دلێر تاهیر لێپرسراوی زێڕەنگەرەکانی سلێمانی ئاماژەی بەوەشدا، تا بەیانی ئەگەری بەرزبوونەوەی زیاتری هەیە، چونکە ئەمڕۆ ئوسترالیا و ئەمریکا جاریکی دیکە سوودی بانکیان بەرزکردەوە.
وتیشی، لە ئێستادا لە هەر
کیلۆیەک زێڕ هەزار دۆلار بەرزبووەتەوە و بەوەش هەر مسقاڵێک زێڕی عەیارە ٢١ بە ٢٨٤
دۆلارە و لە کاتێکدا پێش نیوەڕۆی ئەمڕۆ بەهای ئەو مسقاڵە بە ٢٧٨ دۆلار بووە.
بەگوێرەی پێنوێنە جیهانییەکان
بەهای ئۆنسەیەک زێڕ بە دوو هەزار و ٢٥ دۆلار
مامەڵەی پێوەدەکرێت و ئەوەش بەرزترین ئاستی ماوەی دوو ساڵی رابردووە.
ئەمڕۆ سێشەممە، بەهای ئۆنسەیەک
زێڕ گەیشتە سەروو دوو هەزار دۆلار لە کاتێکدا بەیانی ئەمڕۆ نرخی ئۆنسەیەک زێڕ بە
١٩٧٨ دۆلار مامەڵەی پێوەکراوە و بەوەش هەر ئۆنسەیەک زێڕ نزیکەی ٤٠ دۆلار بەرزبووەتەوە.
بەرزبوونەوەی بەهای زێڕ لە
کاتێکدایە بانکی ناوەندی ئەمریکا رێژەی سوودی بانکی ٢٥ خاڵ بەرزکردەوە و ئەوەش سەرەڕای
ئەوەی بازرگانان دۆخی دراویان لە ئەمریکا بە دۆخێکی مەترسیدار دانا.
گۆران لوقمان - سلێمانی