PM:04:00:17/10/2022
3412 جار خوێندراوەتەوە
دەستەی کەشناسی عێراق رایگەیاند، رۆژی هەینی کۆتایی هەفتە ئاسمانی هەرێم نیمچەهەور دەبێت و دەگۆڕێت بۆ هەوری تەواو و لە شەودا بارانی مامناوەندخوڕ دەبارێت و پلەکانی گەرما نزمدەبنەوە. دەشڵێت، "بارانەکە بەتایبەت لەبەشی رۆژهەڵاتی هەرێم دەبارێت".
ئەمڕۆ دووشەممە، دەستەی کەشناسی عێراق راگەیەنراوێکی بڵاوکردەوە و تیایدا هاتووە، سبەینێ سێشەممە ئاسمانی هەرێم ساماڵ و پەڵە هەوردەبێت و پلەکانی گەرماش هاوشێوەی رۆژی پێشتر دەبێت.
ئاماژەی بەوەشداوە، رۆژی
چوارشەممە ئاسمانی هەرێم ساماڵ و نیمچەهەور دەبێت و پلەکانی گەرماش کەمێک بەرزدەبنەوە.
راگەیەنراوەکە ئەوەشی
خستووەتەڕوو، رۆژی پێنجشەممە ئاسمانی هەرێم هەور دەبێت و پلەکانی گەرماش کەمێک دادەبەزێت.
دەشڵێت، رۆژی هەینی ئاسمانی
هەرێم نیمچەهەور دەبێت و دەگۆڕێت بۆ هەوری
تەواو و لە شەودا، بەتایبەتی لە بەشی رۆژهەڵاتی هەرێم، بارانی مامناوەندخوڕ دەبارێت
و پلەکانی گەرما نزمدەبنەوە.
