بەگوێرەی زانیارییەکانی پەیامنێری ئێن ئاڕ تی، لە کفری کچێکی ١٤ ساڵ بە کوژراوی گەیەندراوەتە نەخۆشخانەی کفری، دەوترێت پێشتر کچەکە و دایکی سکاڵایان لەسەر باوکی کچەکە بە هۆکاری توندوتیژی تۆمارکردووە.
بەپێی زانیارییەکانی پەیامنێری ئێن ئاڕ تی کچێکی ١٤ ساڵ لە کفری کە ناوی (ئـ- ب)ـە بە کوژراوی گەیەندرایە نەخۆشخانە و بە دوو گولـلە کوژراوە.
ئاماژەی بەوەشدا، دایک و باوکی کچەکە جیابوونەتەوە و لە ماوەی رابردوودا
چەند جارێک دایکی ئەو کچە و کچەکە سکاڵای توندوتیژی خێزانییان لەسەر باوکی کچەکە تۆمارکردووە
و لە ئێستاشدا کەسوکاری کچەکە گومان دەکەن باوکی کچەکە بکوژەکە بێت.
لایخۆشیەوە، رێبوار محەمەد لێپرسراوی بەشی فریاکەوتنی نەخۆشخانەی خالید گەرمیانی
بە ئێن ئاڕ تی راگەیاند، کچەکە لەداکیبووی ساڵی ٢٠٠٨ـەو و دوو گولـلە بەسەر سنگییەوە
بووە و تەرمەکەی دەنێرنە پزیشکی دادوەری کەلار.
هاوکات، پەیامنێری ئێن ئاڕ تی پەیوەندیی کردووە بە بەڕێوەبەرایەتی
توندوتیژی خێزانیییەوە لە کفری و پێیان راگەیاندووە لە دواتردا روونکردنەوە لەسەر
بابەتەکە بڵاودەکەنەوە.
محەمەد عەدنان، کفری