بانکی ناوەندی عێراق رایگەیاند، لەمساڵدا بەرزترین ئاستی فرۆشتنی دۆلاری تۆمارکردووە کە دەگاتە ٢٧٤ ملیۆن دۆلار.
ئەمڕۆ چوارشەممە، بانکی ناوەندی عێراق رایگەیاند، لە زیادکردنی ئاسای رۆژانەیدا بڕی ٢٧٤ ملیۆن دۆلار و ١٦١هەزار و ٢٢٧ دۆلاری ئەمریکی فرۆشتووە.
ئاماژەی بەوەشداوە، ئەو بڕە زۆرترین بڕی فرۆشتنی
دۆلارە لەمساڵدا و هەر دۆلارێک بەرامبەر یەک هەزار و ٤٦٠ دیناری عێراق فرۆشراوە.
ئەوەشی خستووەتەڕوو، ئه‌و برە پارەیەی لەو فرۆشتنانه
بەدەستهاتووە بۆ زیادکردنی باڵانسی دراوی عێراق بە شێوه‌ی حه‌واڵه‌كردن و کریدت کە بڕی ٢١٨ ملیۆن و ٦٩١ هه‌زار و ٢٢٧ دۆلارە تەرخانکراوە
و بەشێکیشی به‌شێوه‌ی فرۆشتنی نه‌ختهینەیی رۆیشتووه كه بڕی ٥٥ ملیۆن و ٢٠٠ هه‌زار
دۆلار بووه .
ساڵی ٢٠٢٠، حکومەتی عێراق و بانکی ناوەندی گۆڕانکارییان
کرد لە بڕ و نرخی فرۆشتنی دۆلاردا و نرخی خستنەڕوویان لە ١١٨ ھەزار دینارەوە بەرزکردەوە
بۆ ١٤٥ ھەزار دینار.