PM:05:41:05/07/2022
2164 جار خوێندراوەتەوە
+
-
لیژنەیەک ژ وەزارەتا سامانێن سروشتی ب سەرۆکاتیا رێڤەبەرەکێ گشتی و ب ئەندامەتیا رێڤەبەرێن هەمی رێڤەبەریێن نەفت و کانزایان ل پارێزگەهێن هەرێمی چاڤدێریا کوالیتا بەنزینا ٨٠٠ دیناری دکەت.
رێڤەبەریا نەفت و کانزایێن دهۆکێ ئاماژە ب وێ یەکێ ژی دکەت، کو "چ تانکەرەکا پانزینێ بێی پشکنین نا هێتە وەرگرتن"، دبێژیت ژی، "ژ دەستپێکێ هەتا ئەڤرۆ رێڤەبەریا نەفت و کانزایان ل دهوکێ ١٩ تانکەرێن بەنزینێ ژبەر کۆالێتیا خراب یێت رەتکرین و ڤەگەراندینە بۆ ژێدەری".
بەحسا وێ یەکێ ژی کر، دەربارەی بەنزینا بازرگانی رێڤەبەریا مە ڕۆژانە دیڤداچوونا دکەت، بۆ زانین بتنێ د مەها خزیرانێ دا ل سنوورێ پارێزگەها دهوکێ ١٦ وێستگەهـ و کوگەهـ هاتینە داخستن و سزادان ب کوژمەکێ پارەی.
ئەڤە ددەمەکیدایە، ل دهۆکێ پشتی بڕیارا بەلاڤکرنا بەنزینا ٨٠٠ دیناری هاتیە دان، شۆفێرێن پارێزگەها دهۆکێ رۆژانە و بەردەوام گازندا وێ یەکێ دکەن کو بەنزینەکا گەلەک بێ کۆالێتیە و بکێر وێ یەکێ ناهێت کو بۆ ترۆمبێلێن خۆ بکاربینن.