AM:10:23:25/04/2024
460 جار خوێندراوەتەوە
+
-
وەزارەتا
کارەبا حکومەتا حکومەتا رێڤەبرنا کارێن هەرێمێ سەدەمێ کێم بوونا دەمێن دانا کارەبا
نشتیمانی ب وەلاتیان ئەشکرا کر و دبێژیت، ژ سوبەهی ڤە کارەبا دێ باش بیت.
وەزارەتا
کارەبا حکومەتا رێڤەبرنا کارێن هەرێمێ ڕاگەهاند، پرۆسەیا چاکسازی ل یەکەیێن
بەرهەمئینانا کارەبێ بەرەف تەمام بوونێ دچیت و بڕیارە رۆژا ئەینیێ ئەو پرۆسەیە
تەمام ببیت.
ئاماژە ب وێ
یەکێ ژی کر، ژ سوبەهی ڤە رەوشا دانا کارەبا نشتیمانی ب وەلاتیان دێ ئاسایی بیت.
ئەو یەکژی
بەرچاڤکر، پرۆسەیا چاکسازیێ د یەکەیێن بەرهەمئینانا کارەبێ دا سالانە دهێتەکرن و
وان پێ باش بوویە د ڤی وەرزی و بەری هاتنا وەرزێ گەرمێ وی کارە بکەن.
ئەڤە د
دەمەکی دایە، هەیاما نێزیکی حەفتیەکێ یە دانا کارەبا نشتیمانی ب وەلاتیان ب ئاوایەکێ
بەرچاڤ کێم بوویە و وەلاتی داخاز دکەن، دەمێن دانا کارەبێ بهێنە زێدەکرن هەیا بشێن
مفای لێ ببینن و کارێن خۆ پی بکەن.
د دەمەکی دا،
سالانە د وەرزێ بهار و پایزێ دا وەلاتیان ب رێژەیەکا زۆر کێم پێدڤی ب کارەبا
نشتیمانی دبیت و ویستگەهێن کارەبێ گڤاشتن لسەر نابن، هەڤدەم، دگەل چوونا ناڤ وەرزێ
سار و گەرمیێ، دانا کارەبا نشتیمانی کێم دبیت، ب ئاوایەکی هند جاران رۆژانە بتنێ
پێنج تا شەش دەمژمێران کارەبا ب وەلاتیان دهێتەدان.