PM:03:30:17/03/2022
1480 جار خوێندراوەتەوە
+
-
ئەگەر تۆ ئێکەم کەس گەهشتیە کەسەکی کو یێ کەفتییە سەر جاددێ و یێ تووشی روودانەکا هاتن و چوونێ بووی، دێ چاوا سەرەدەریێ دگەل کەی، ئانکو چارەسەریا دەستپێکی بۆ ئەنجام دەی بەری ئەمبولانسا هەوارهاتنێ بگەهیت، د ڤی بابەتیدا ئاماژە ب چەند خالان هاتیە کرن.
ڤان خالان بجهبینە:
١- د وی دەمی دا بەری هەر تشتەکی دڤێت تو سەلامەتیا خۆ ب پارێزی، دا تو ژی تووشی چ بوویەرێن دی یێن هاتن و چوونێ نەبی.
٢- دەمێ چوویە دەف وی کەسی دێ سحکەیێ کا های ژ خۆ هەیە یان نە؟
ئـ- ئەگەر های ژ خوە هەبیت دێ بەیە جهەکێ ب سەلامەت، پیچەک دوویری جهێ بوویەرێ بەری هەر تشتەکی بۆ بکەی دێ پرسیار ژێ کەی ئێشان ل کیش جهی پتر هەیە و دێ هەوار هاتنێ ئاگەهدار کەی.
ب- ئەگەر وی کەسی های ژ خۆ نەبوو، دڤێت هەر دوویری جهێ بوویەرێ بکە، لێ ب رەنگەکێ زانستی و هشیارتر و دێ دەست ب چارەسەریا دەستپێکی کەی (راستکرنا بۆریا هەوایی- هەناسەدان- لێدانا دلی).
٣-هندەک جهێن هەستیار یێن وەک (ستوو و بربرێن پشتێ و حەوز) پێدڤیە دەمێ سەرەدەریکرنێ گەلەک لڤینان ب ڤان جهان نەکەی، ژبەرکو ئەو یێ تووشی بوویەرا هاتن و چوونێ بووی و تو نزانی کا ئەو جهە خەلیایینە یان ژێک هاتیە دەر یان شکوەستیە.
٤- ئەگەر تە دیت خوینبەربوون یا بۆ چێبووی ل دەستێ وی یان پێ وی، ب پاتەکی یان لەفافەکێ ئەگەر هەبیت پێنج تبلان لسەرڤەی وی جهێ خوینبەربوون دروستبووی دێ شدینی بۆ هندێ داکو ئەو خوینبەربوون راوەستیت، لێ هەر چەند خولەکەکا ئەو جهێ تە شداندی ڤەکەی و گرێدەیەڤە نابیت بو دەمەکێ درێژ یێ گرێدایی بیت.
٥-یانژی ئەگەر خوینبەربوون بۆ دفنا وی یان دەڤێ وی دروستببیت، پێدڤیە سەرێ وی نزم کەی و دفنا وی دێ بگری، ژبەرکو ئەگەر سەرێ وی بلند بکەی ئەو خوینا ژێ دهێت دێ چیتە ژورڤە بۆ ناڤ بۆریا هەناسەدانێ.
٦- ئەگەر خوینبەربوون یان برینداربووونا ڤان جها (زک و تەنشت و پشت) دروستبوو ب پاتەکێ پاقژ دێ لسەر وی جهی دانی بو هندێ دا هەم خوینبەربوون راوستیت و هەم دا ئەو جهە پاقژ بمینیت و نەبیتە هەودان.
مهدی محمدامین
پەرستار ل سەنتەرێ هەوارهاتنا بلەز یا دهۆکێ ١٢٢