PM:05:14:23/01/2022
788 جار خوێندراوەتەوە
+
-
نووچەگەهانێ ئێن ئاڕتی
ڕاگەهاند، بۆ دەمێ چار ڕۆژن شەڕ دناڤبەرا چەکدارێن داعشێ و هێزێن ئەولەکاریێ
ل باژێڕێ حەسەکێ بەردەوامە، گوتژی، ١٣
چەکدارێن داعشێ هاتینە کوشتن و سێ ژی دەستەسەر کرینە.
کاوە ئەدهەم
نووچەگەهانێ ئێن ئاڕتی ل ڕۆژئاڤا ڕاگەهاند، چار ڕۆژن ل باژێڕێ حەسەکێ ل تاخێ
غوێران ل دەوروبەرێن گرتیگەها چەکدارێن
داعشێ شەڕەکێ گران دناڤبەرا هێزێن ئەولەکاریێ و چەکدارێن داعشێ دا بەردەوامە،
گۆتژی، دڤی شەڕێدا هێزێن هەسەدە و تایبەت و یەپەگە و ئاساییش بەشدارن د ئۆپەراسیۆنا
دوروبەرێن تاخێ غوێران دا هەروەسا ژئالیێ هێزێن هەڤپەیمانان ڤە دەوروبەرێن وێ
گرتیگەهێ دهێنە تۆب بارانکرن.
ئاماژە ب وێیەکێ ژی
دا، لدویڤ داخویانیێن هەسەدێ ١٣ چەکدارێن داعشێ هاتینە کوشتن و سێ ژی هاتینە
دەستەسەرکرن هەروەسا ژبەر وی شەڕی نێزیکی ٢هزار خێزانان هەردوو تاخێن غوێران و زهور چۆلکرنە.