PM:02:19:21/01/2022
848 جار خوێندراوەتەوە
+
-
نەتەوە یێن هەڤگرتی ڕاگەهاند،
ژبەر بارینا بەفرەکا زۆر دڤێ حەفتیێ دا، کەمپێن ڕۆژئاڤایێ کوردستانێ زەرەرێن زۆر پێگەهشتینە
و چەند چادر بسەر ئاکنجیێن وێ دا کەفتینە.
ئاماژە ب وێژی کریە، لدیڤ
ڕاپۆرتێن دەستپێکیێن نڤیسینگەها نەتەوەیێن هەڤگرتی بۆ هەماهنگی کرنا کاروبارێن مرۆڤی،
٢٢ جھـ ژ پارێزگەها حەلەب (ب تایبەت ل عەفرین و عەزاز) و نەهـ جهـ ژی ل پارێزگەها
ئیدلب زەرەر پێگەهشتیە.
ئەڤەژی ددەمەکی دایە،
بەفربارینێ ل ڕۆژئاڤایێ کوردستانێ ژ ١٨ێ کانوونا دووێ ڤە دەستپێکریە و زەرەر ب کەمپێن
ئاوارەیان و چادر و ماڵێن خەڵکی گەهاندینە.
د پشکەکا دیا وێ ڕاگەهاندنێ
دا، ژ ١٩ێ کانوونا دووێ ڤە، ٣٦٢ چادر و ٢١٢٤ کەس (٤٢٩ خێزانان) زەرەر پێگەهشتینە ل
کەمپێن عەفرین و خێزان نەچاربووینە خێمەیان چۆڵبکەن و بچنە جهێن پاراستی، ژوان ژی
بۆ بینایێن ڕێڤەبەرایەتیا کەمپان و خاندنگەهەکا نزیک ژوێ دەڤەرێ.
هەڤدەم، ل دیڤ ڕاپۆرتان
ل گوندێ قەستەلێ مەکدادیێ حەلەبێ ژبەر کەفتنا سەقفێ چادرێ ژ ئەنجامێ بارینا بەفرەکا
زۆر زارۆیەکی ژیانا حۆ ژدەستدایە و دایک ژی ب گرانی برینداربوویە.
دەمێ چەند ڕۆژانە پێلەکا
بەفربارینێ و داکەتنا پلەیێن گەرمێ دەڤەرێن جودایێن کوردستانێ ڤەگرتینە ول گەلەک دەڤەرێن
هەرێما کوردستانێ ژی ئاستەنگیێن هاتن وچوونێ دروستبووینە.