PM:03:43:16/01/2022
3700 جار خوێندراوەتەوە
+
-
دەمێ ٢٠ رۆژانە حکومەتا
هەرێمێ دەست ب پارڤەکرنا مووچەی کریە و هێشتا چەندین جهـان مووچە وەرنەگرتیە، سستیا
د پارڤەکرنا مووچەی ژیدا د دەمەکێ دایە بهایێ پەترۆلێ بەردەوام د بلندبوونێ دایە و
کوما وی داهاتێ حکومەتێ د فرۆتنا پەترۆلێ دا بدەست دکەڤیت زێدەتری ملیارەک دۆلارە.
ژێدەرەکێ ژ وەزارەتا
داراییا هەرێمێ بۆ ئێن ئاڕ تی ڕاگەهاند، سوبەهی دووشەمبێ مووچەیێ وەزارەتا ئەوقاف،
دیوانا چاڤدێریا دارایی، دەستەیا مافێ مرۆڤی، دەڤەرێن دەرڤەی ئیدارا هەرێمێ،
دەستەیا ژینگەهێ، دەستەیا وەبەرئینانێ، دەستەیا دەستپاقژیێ، کۆمسیۆنا هەلبژارتنان
ودەزگەهێ مین هێتە پارڤەکرن.
پارڤەکرنا مووچەی ل رۆژا
٢ی ڤێ مەهێ وەرە دەستپێکریە و هەیا نها وەزارەتا دارایی لیستەکا تەمام بۆ مووچەی بەلاڤ
نەکریە و پارڤەکرنا مووچەی ب سستی برێڤە دچیت، ژبلی وێیەکێ کو ئەو مووچەیێ دهێتە
پارڤەکرن مووچەیێ مەها ١٢یا سالا دەربازبووی یە.
بەریا نها، کێمتر ژ ٢٤
دەمژمێران، وەزارەتا داراییا هەرێمێ سێ جاران گوهۆرین د لیستا مووچەی دا دکر و هەر
جارە و ناڤێ چەند وەزارەتان دبر. دنهاژیدا حکومەتا هەرێمێ هەر رۆژێ مووچەیێ ئێک یان
دوو دەستە و وەزارەت و جهان پارڤەدکەت.
ئەڤەژی ددەمەکیدایە،
حکومەتا هەرێمێ پێشتر ئەویەک ڕاگەهاندبوو کو هەمی ٢٥ ێ مەهێ دێ مووچەی پارڤەکەن.
داهاتێ پەترۆلێ ب بۆڕیان زێدەترە ژ ترلیۆنەک و ٢٠٠ ملیا دیناران
و هخەمی داهاتێ اڤخۆژی زێدەترە ژ ٥٠٠ ملیار دیناران دگەل هەڤکاریێن مەهانە یێن هەڤپەیمانان
کو دکەن ٢٨ ملیار دینار، لێ حکومەتێ بۆ
پارڤەکرنا مووچەی چاڤێ وێ ژ ٢٠٠ ملیار دینارێن بەغدایە.
هێرش قادر، هەولێر