AM:09:42:15/01/2022
908 جار خوێندراوەتەوە
+
-
ڕێڤەبەریا تاپۆ و رێپیڤی و خانوبەرێن تورکیا ڕاگەهاند، هەیا نها ٦٨ هزار و ٦٠٠ خانی ل سالا ٢٠٢١ێ فرۆتینە کڕیارێن بیانی. دبێژیت ژی، "کڕیارێن عێراقی ل پلەیا ئێکێ دهێن د ناڤ کڕیارێن بیانیدا".
محەمەد زەکی ئادلی ڕێڤەبەرێ تاپۆ و رێپیڤیێ تورکیا بۆ ئاژانسا ئەنادۆل ڕاگەهاند، ژ سالا ٢٠١٨ فرۆتنا خانیان ب کڕیارێن بیانی ب رەنگەکێ بەرچاڤ بلندبوویە.
ئاماژە ب وێیەکێ کر، تورکیا بەندەرەکێ ئارامە بۆ کڕیارێن وەلاتێن عەرەبی و رۆژهەلاتا ناڤەڕاست.
دبێژت ژی، ئەو وەلاتێن خانیان ل تورکیا دکڕن وەگ پەناگەهەکێ پاراستی دبینن دەمێ ژ ماندبوونا وەلاتێن خۆ د ڕەڤن.
محەمەد زەکی ئادلی بەحسا وێیەکێ ژی کر، سالا دەربازبووی ٦٤ هزار و ٥٠٠ خانی و چار هزار پارچێن ئەردی ب بهایێ ١٣ ملیۆن و ٢٥٠ هزار دۆلاران ب کڕیارێن بیانی فرۆتینە.
گوتژی، کڕیارێن عێراقی و ئیرانی ب پلەیا ئێکێ دهێن پشتی وان ژی کڕیارێن روسی و بەریتانی و ئەلمانی و ئەفغانی دهێن.
ئەوژی دیارکر، باژێرێن ئەستەنبول و ئەنقەرە و ئەنتالیا و موگلا ل پێشیا وا باژێران دهێن کو پترین خانی و ئەرد تێدا دهێنە فرۆتن.